1 мин

Төгсөх ангийн "Улсын шалгалт"-ыг VI сарын 06-16-ны өдрүүдэд авахаар боллоо

У.Чинзориг 2022.05.11

Боловсролын үнэлгээний төвөөс "Улсын шалгалт"-ын товыг зарлалаа. Шалгалтад 5, 9, 12 дугаар ангийн сурагчид болон МСҮТ-д суралцагчид хамрагдах бөгөөд хичээлийн жил дууссаны дараах долоо хоногт шалгалтуудыг авах ажээ. Тодруулбал, V ангийнхан VI сарын 6-нд монгол хэл, VI сарын 8-нд математик, VI сарын 10-нд хүн ба байгаль хичээлийн шалгалтыг өгнө. Бүх шалгалтууд тухайн өдрийн 10:00 цагт эхэлж, 60 минутын турш үргэлжлэх юм.

Харин IX ангийнхан VI сарын 13-нд монгол хэл, VI сарын 14-нд математик, VI сарын 16-нд сонгох шалгалт, VI сарын 17-нд гадаад хэлний шалгалтыг өгнө. IX ангийн шалгалтууд тухайн өдрийн 10:00 цагаас эхэлж, 80 минутын туршид үргэлжлэх аж.

XII ангийнхан VI сарын 13-нд монгол хэл, VI сарын 14-нд математик, VI сарын 15-нд сонгох шалгалт, VI сарын 16-нд гадаад хэлний шалгалтыг өгнө. МСҮТ-д суралцагчдын улсын шалгалтын хуваарь XII ангийнхантай ижил бөгөөд шалгалтууд тухайн өдрийн 9:00 цагт эхэлж, 80 минут үргэлжлэх юм.

"Улсын шалгалт"-ыг цар тахлын улмаас сүүлийн хоёр жилийн хугацаанд зохион байгуулаагүй бөгөөд харин явцын үнэлгээгээр нөхөн тооцож байсан билээ.