Хайх зүйлээ бичнэ үү

3 мин

PLAYLIST: Бүрхэг өдөр сонсох 17 зөөлөн дуу


Яг л өнөөдөр шиг бүрхэг өдөрт дуртай юу? Хурц наргүй, хүйтэн жаваргүй хэрнээ сэтгэл гижигдэм зөөлөн салхитай, дулаахан хувцаслаад гарахад л догдлон дурласан хүн шиг дотроосоо халуу дүүгэн, жаргалтай хэрнээ зөөлөн гунигтай мэдрэмж төрдөг дөө? Ийм л өдөрт тань хань болох дуунуудыг хүргэж байна. 

#1 Grouper - Heavy Water / I'd Rather Be Sleeping

Бүрхэг цаг агаар эрхгүй зүүд мөрөөдөл мэт санагддаг уу? Тийм бол яг л мөрөөдөлдөө хөвөх шиг, дурлаад шархлах шиг, гэхдээ дараа нь бороонд тайтгарах мэт мэдрүүлдэг дуу. 

"Зүүдэндээ би хүчтэй ус даган хөвж байна. Чинийхээ тэр л түрлэгт унтаад л байхсан"

#2  WILLIS - I Think I Like When It Rains

Хүн бүхэнд бороотой холбоотой нандин, эмзэг, ахин гаргаад харчихвал сэвтчих вий гэж айдаг дурсамж байдаг. Сэтгэлийн гүнд нуугдаад мартах дөхсөн тэр л бороотой дурсамжийг тань хайр найргүй, гэхдээ "зөөлхөөн" гаргаж ирээд ямар нандин болохыг нь танд мэдрүүлэх тийм л дуу. 

#3 Montell Fish - FALL IN LOVE WITH YOU 

Юу ч бодолгүй цонхоор ширтээд өнгөрсний тухай, магадгүй түүний тухай бодогдуулах дуу. Зөөлөн гунигтай мэдрэмжийг аз жаргалтай мэдрэмжээс юу ялгадаг вэ? Энэ асуултад хариулах гээд үзээрэй. 

#4 The Black Skirts - Someday

Бүрхэг өдөр, товлосон болзоо, цагаасаа эрт ирсэн чи. Түүнийг хүлээх зуураа царайг нь төсөөлөөд сонсоход өөрийн эрхгүй инээмсэглэх төрх. Гэгээхэн хэмнэлтэй, тайвшруулах дуу. 

#5 joji - will he

Заримдаа гунигтай үедээ тайвшрах бус улам бүр гуниглаад эцсийг нь үзтлээ "эмормоор" санагддаг даа? Тэр үедээ заавал өөдрөг байх гээд хичээх хэрэггүй. Гуниг өөрөө ариун шүү дээ... 

#6 Palace - So Long Forever

Өдөр бүр нэгэн хэмнэлээр өнгөрөх шиг зуны халуун өдрүүдэд бүрхэг өдөр бидэнд зай завсар гарган, "Одоо л хүссэнээ хий" гэх шиг чөлөө олгодог мэт... Бүрхэг өдөр л хаа нэгтэйг зоримоор, гомдоосон нэгнээсээ уучлал гуймаар, түүнд хайртайгаа хэлмээр ...

#7 maye - Yours 

Гэрэл унтраад, би мэдрэмжэйгээ ганцаараа. Харин чи миний олж чадахгүй байгаа тайвшрал болох уу? Учир нь би үргэлж хариултыг мэдэхгүй юм... 

#8 boy pablo - i heart u

Клипийг нь үзээд өөрийгөө дотор нь орсноор төсөөлөөд дууны үг бүрийг нь цээжлэн даган дуулах хэрэгтэй тийм л дуу. 

#9 Stan Getz & Joao Gilberto - Corcovado (Quiet Nights of Quiet Stars)

Зөөлөн бозанова, жазз аялгуунд зүрх сэтгэлээ бүүвэйлүүлэн сонсох, сонсож дуусаад инээмсэглэл тодруулан алхмаар санагдах... 

#10 Palace - Give Me The Rain

Бүрхэг тэнгэр бүүдгэнээд л, нэг мөсөн шаагисан бороо оруулмаар... Амьдралын тухай эргэцүүлж гүн бодолд автмаар, эсвэл зүгээр л дуугаа чангалаад бүжиглэмээр... 

#12 Хонх - Хайр минь билээ чи

Надтай ханьсдаг улиас модноос асуу 

Чам дээр тусдаг сарны гэрлээс асуу...

Бүрхэг өдөр сонсохгүй л бол болдоггүй дуу.

#13 JANNABI - For Lovers Who Hesitate

Зүрх сэтгэлийг минь унших амархан, чи уншаач

Тайвшруулж чадамгүй ганцаардсан зүрхнээс

Үүрд явахаасаа өмнө хэсэг үлдээч...

#14 The Marías - Heavy 

Marías-ийн дуунууд үргэлж л ялдам хэрнээ хүчирхэг байдаг. Хүн бүхний зүрхэн дэх нууцлаг талыг гаргаж ирээд өмнө нь бүжиглэх шиг мэдрэгддэг дуу.

#15 Bruno Major - Easily

Бүрхэг өдрийн төгсгөлд бид хэн нэгэнд урам хугарч, хайр сэтгэлд бууж өгсөн ч "Ахиад чадна" гэсэн итгэлээр ахиад л хайрлахаар шийддэг... Хайр сэтгэл хэцүү байдаггүй, харин хичээх л хэцүү.

#16 Dream, Ivory - welcome and goodbye 

...

#17 Montell Fish - and i'd go a thousand miles

Зөвхөн чамайг олохын тулд мянган милийг туулъя. 

Тэгээд ч чамайг олохгүй бол би хаашаа явах вэ?

Нэг л өдөр би чамайг олно

Нэг л өдөр би чамайг олно

Та ч бас өөрийн бүрхэг өдрийн дуугаа сэтгэгдэл хэсэгт үлдээн хэн нэгэн мэдрэмжээ хуваалцаарай ^^

Spotify-аас дараах холбоосоор сонсоорой :))

 

Хамгийн их уншилттай
1
2024.03.17
“Монгол түйрэн” маргааш ирнэ гэж БНСУ-д анхааруулав
2
2024.03.09
Миягино дэвжээг хаах шийдвэр гарчээ
3
2024.03.11
“Оскар”-ын түүхэн дэх 13 эвгүй явдал
холбоотой мэдээ
1
Уржигдар
D.O Ази тивээр аялан тоглолт хийнэ
2
Уржигдар
Ардын уран зохиолч Ш.Дулмаагийн шүлгээр бүтэж, бидний сэтгэл зүрхийг эзэмдсэн ТАВАН дуу
3
Уржигдар
Роберт Паттинсон, Сүки Уотерхаус нар анхны хүүхдээ өлгийдөн авлаа
санал болгох
1
18 цагийн өмнө
Таны ордыг илэрхийлэх кинонууд: Melancholia, Suspiria, Bande à Part
2
19 цагийн өмнө
Өнөө цагийн сэтгэл татам жүжигчдийн нэг Сидней Свинигийн тухай 19 баримт
3
23 цагийн өмнө
Рөүзийг амьд үлдээсэн Титаникийн "хаалга" 718,750 доллараар зарагджээ

Энэ мэдээнд өгөх таны сэтгэгдэл?
0
0
2
1
0
0
0
0

Сэтгэгдэл бичих (1)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Зочин 2022.05.29 66.181.161.76

Spotify,Apple music дээр плейлист үүсгэвэл бас гоё байна даа ☺ Баярлалаа

0 Хариулах