"Мөнхийн залуу" к-драма оддын арьс арчилгааны 5 өвөрмөц нууц
К-драма цувралын үзэсгэлэнтэй эмэгтэй жүжигчид 10,20 бүр 30 жилийн дараа ч огт хөгшрөөгүй мэт санагддаг уу? Мэдээж чанартай арьс арчилгааны бүтээгдэхүүн, өдөр тутмын эрүүл дадлууд гоо үзэсгэлэнгээ хадгалахад нөлөөлдөг ч дараах одод үл хөгшрөх гоо үзэсгэлэнгийнхээ өвөрмөц нууцаас дэлгэжээ.
#1 Жан На-ра - Өдөр бүр 10 минут нүүрэндээ массаж хийх
41 настай Жан На-ра өдөр бүр нүүрэндээ 10 минут массаж хийж, өглөө оройны арьс арчилгаандаа онцгойлон анхаардаг гэнэ. Эхлээд тосон цэвэрлэгчээр будаг, нүүрэнд наалдсан тоосонцрыг цэвэрлэн, тоник серумаа маш сайн сонгон хэрэглэдэг гэжээ.
#2 Жүн Жихён - Ууланд авирах, амьсгалын дасгал хийх
40 настай нэрт жүжигчин ууланд авирч, спортоор хичээллэх дуртай гэнэ. "W magazine"-д өгсөн ярилцлагадаа тэр өглөө эрт 6 цагаас босон амьсгалын дасгал, иога, бясалгал хийдгээ дурджээ. "Амьсгал бүрийг мэдрэх нь сэтгэл санааг ч өргөдөг" гэжээ. Мөн тэр биеийн хүчний дасгал хийх, дугуй унах, усан сэлэх, гүйх дуртай.
#3 Хён Жонг - Халаагуураас "хол" явах
51 настай жүжигчин эмэгтэй арьсаа залуугаар нь хадгалахын тулд халаагуураас "холхон" явахыг зөвлөжээ. Арьсандаа гараараа огт хүрдэггүй бөгөөд хэт халуун, хэт хүйтэн цаг уур арьсыг онцгой гэмтээдгийг онцолжээ.
#4 Ха Живон - Өдөр бүр нимбэг хэрэглэх
43 настай Ха Живон өдөр бүр нимбэг хэрэглэж, орой бүр салфеткан маск тавьдаг. Нимбэгийг 3:1 харьцаатайгаар усанд хийн, зөгийн балаар амтлан ууснаар үрчлээснээс сэргийлдэг төдийгүй сэтгэл санааг сэргэг байхад тусалдаг гэжээ.
#5 Хан Го Юн - Үе үе мацаг барих
47 нас хүрч буй жүжигчин эмэгтэй 17 настайгаасаа хойш огт жин нэмээгүй бөгөөд жил бүр барьдаг мацгаа нэмэгдүүлдэг гэжээ. Байгалийн гаралтай арьс арчилгааны бүтээгдэхүүн хэрэглэхийг ч зөвлөсөн байна.
Эх сурвалж: SCMP