1 мин

Мексикт дүүжин гүүрний нээлтийн үеэр гүүр нь нурж 25 хүн бэртжээ

Г.Сүрэн 2022.06.13

Мексик улсын Куернавака хотод шинэ дүүжин гүүрний нээлт ёслол төгөлдөр эхэлсэн ч зочид шинэ гүүрэн дээгүүр алхах зуур гүүр нуран унаж, 25 хүн гэмтэж бэртжээ. Модон хавтан, металл гинжээр хийсэн дүүжин гүүр хотын дарга тэргүүтэй зочид алхах үед гэнэт нуран, гүүрэн дээрх хүмүүс голд шидэгджээ.

Хотын дарга Хосе Луис Уриостеги "Хүмүүс үсэрснээс л боллоо. Магадгүй даац хэтэрсэн байх" гэжээ. Хотын дарга, түүний эхнэр, нээлтийн зочид бүхий 25 хүн түргэн тусламжаар эмнэлэгт хүргэгдсэн бөгөөд хотын даргын эхнэр хагалгаа хийлгэхээс аргагүйд хүрсэн гэнэ.

Гүүрэн дээр байсан гэрэл зурагчин эдгээр зургуудыг дарж "амжжээ". Мехико хотоос өмнө зүгт орших Куернавака хот нь гол ус ихтэй, зөөлөн чийглэг уур амьсгалтай учир нийслэлийн оршин суугчид ихээр зугаалдаг амралтын бүсэд тооцогддог аж.

Мексик улс нь 2021 онд авлигын индексээрээ 180 улсаас 124-рт жагсжээ (Уг үзүүлэлтийг сайнаас муу руу үнэлдэг болно).