2060 он гэхэд 65-аас дээш насныхан 1.2 тэрбумд хүрнэ
2020 оны байдлаар Ази тивийн хүн ам 4.5 тэрбум давжээ. Хятад, Энэтхэгийн хүн ам тус бүр нэг тэрбум давснаар дэлхийн дээрх хүмүүсийн талаас илүү нь азиуд болсон юм.
2020 оны байдлаар Азид 65 ба түүнээс дээш насны 414 сая хүн амьдарч байгааг “Asia Aging: Demographic, Economics, and Health Transitions” тайланд дурьдаж 2026 он гэхэд 1.2 тэрбум болж өсөх төлөвтэй байна гэж үзжээ. Өөрөөр хэлбэл, дэлхийн 10 хүн тутмын нэг нь ази өндөр настан байна гэсэн үг юм. Мөн Азийн дундаж наслалт бусад улстай харьцуулахад өндөр байгааг уг тайлан онцолсон байна.
Дээрх үр дүнг тооцоолохдоо төрөлт болон нас баралтын түвшинг харгалзаж үздэг. Нийгэм хөгжихийн хэрээр төрөлт багасаж, нас баралт буурах төлөв ажиглагдаж байна гэж АНУ-ын эрүүл мэндийн хүрээлэнгээс мэдээлсэн юм.
Монгол Улсын хувьд 2020 онд төрөлтийн түвшин 2 хувь байсан бол 2060 онд 1.7 хувь болох төлөвтэй байгаа нь Зүүн Азийн бусад улсуудтай харьцуулахад буурсан үзүүлэлт. Түүнчлэн Хятад улсад төрөлт 1.3-1.6 хувь, Япон улсад 1.4-1.6 хувь, Өмнөд Солонгост 1.1-1.4 хувь болж тус тус өсөх төлөвтэй байна.
Эх сурвалж: Census.gov
Нийтэлсэн: М.Анухатан