“Чингис хаан” нисэх буудал руу нийтийн автобус 20 мянган төгрөгийн тарифаар явж эхэллээ
“Чингис хаан” олон улсын нисэх онгоцны буудлаар үйлчлүүлж буй иргэдэд нийтийн тээврийн үйлчилгээг хүргэхээр өнөөдрөөс энэ чиглэлд автобус явж эхлэв. Ингэхдээ "Чингис хаан"- Драгон-5 шар болон "Чингис хаан"-Улсын их дэлгүүр- 120 мянгат гэсэн хоёр чиглэлээр үйлчилгээ үзүүлэх аж.
Цагийн хуваарийг нислэгийн цагтай уялдуулж боловсруулсан бөгөөд нислэгээс 3-4 цагийн өмнө Улаанбаатар хотоос хөдөлнө. Зорчигч нэг талдаа 80-100 минут зарцуулна гэж тооцоолон зорчилтоо төлөвлөн үйлчлүүлэх боломжтой ажээ. Үнийн хувьд, том хүн 20 мянга, хүүхэд долоон мянган төгрөгөөр зорчих юм.
Ингээд цагийн хуваарийг дэлгэрэнгүй танилцуулъя:
- Баруун 4 замаас: 06:20, 07:20, 12:20, 13:20, 18:20, 19:20
- “Чингис хаан” нисэх буудлаас: 09:00, 10:00, 15:00, 16:00, 21:00, 22:00
- “Драгон” авто вокзалаас: 06:20, 12:20, 18:20 цагуудад тус бүр автобус дараах маршрутын дагуу хөдөлнө.