Наадмын тасалбарыг VII сарын 1-нээс цахимаар худалдаална
Үндэсний их баяр наадмын тасалбарыг энэ жил анх удаа цахим хэлбэрээр худалдаалах билээ. Тодруулбал, www.enaadam.mn цахим сайтаар VII сарын 1-ний өдрөөс борлуулж эхлэх юм. Тасалбарын үнийн хувьд, сүүдрэвчтэй суудлууд нь 52.500, сүүдрэвчгүй нь 42.000 төгрөгөөр худалдаалагдана. Тасалбарын үнэд VII сарын 11-ний өдөр болох баяр наадмын нээлт, бөхийн барилдаан, 12-ны өдрийн хаалт хүртэлх наадмын арга хэмжээг бүхэлд нь үзэх эрх багтаж буй аж.
Иргэд www.enaadam.mn цахим сайтад нэвтэрч утасны дугаараараа баталгаажуулах код авснаар, хувийн мэдээллээ оруулан бүртгүүлж, Qpay болон Social pay ашиглан төлбөрөө төлснөөр Төв цэнгэлдэх хүрээлэнгийн тасалбар, мөн автомашины Г, М зөвшөөрөл захиалах боломжтой. Нэг хүн хамгийн ихдээ хоёр тасалбар, автомашины таван зөвшөөрөл авах боломжтой. Наадмын тасалбар болон автомашины зөвшөөрлийг хүргэлтээр авч болно.