Хөнгөн атлетикийн ДАШТ-ий марафон гүйлтэд 40 настай тамирчин Б.Сэр-Од 26-т орлоо
"Орегон-2022" Хөнгөн атлетикийн ДАШТ-ий марафон гүйлтийн тэмцээн зохион байгуулагдаж, Монгол Улсын тамирчид амжилттай оролцлоо. Эрэгтэйчүүдийн төрөлд 40 настай Б.Сэр-Од 2:11:39 амжилтаар 26 дугаар байр, Ц.Бямбажав 2:14:44 амжилтаар 42 дугаар байрт тус тус оржээ. Б.Сэр-Од нь 2003 оноос хойш Олимпын болон олон улсын марафонуудад амжилттай оролцож буй.
Тэрээр 2013 оны Хонг Конгийн марафоны алтан медаль, 2008 оны Хонг Конгийн марафоны мөнгөн медаль, 2013 оны Осакагийн марафоны алтан медаль зэрэг олон улсад чансаатай тамирчин юм.
"Орегон-2022" Хөнгөн атлетикийн ДАШТ-ий марафон гүйлтийн эхний байрт Этиопын тамирчин Тамират Тола 2:05:36 амжилтаар тэмцээний дээд амжилтыг шинэчлэн орсон бол мөнгөн медалийг мөн тус улсын тамирчин М.Геримеу 2:06:48 амжилтаар хүртлээ.
Эх сурвалж: Athletics Weekly