2 мин

Аз жаргалтай ганц бие амьдралын тухай ам нээсэн 8 АЛДАРТАН

Г.Сүрэн 2022.09.21 2 2 1

2

1. Саяхан найз залуу Пит Дэвидсоноос салсан Ким Кардашьян "аз жаргалтай" ганц бие байгаа тухайгаа дэлгэжээ. Тэр дараагийн үерхлийнхээ тухай бодоход ч эрт байгаа гээд өөрийнхөө хувийн амьдрал, хүүхдүүддээ илүү их анхаарах цаг завтай болсондоо талархаж байгаа гэжээ. 

2. Селена Гомез шоу нэвтрүүлгийн үеэр ганц бие яваа тухайгаа "Гайхалтай, сүпер хоёр жил өнгөрлөө. Би ямар хайр надад тохирч, өөрийнхөө юу хүсэж буйг мэдэхийг хүсдэг. Би бодит үнэнээрээ байж, тэр хүнээсээ хэт хамааралтай ч юм уу, муухай харилцаатай, тавгүй зүйл мэдрэхийг хүсэхгүй байна. Одоо би цоо шинэ хүн, цоо шинэ харилцааг хүсэж байна" гэжээ. 

3. Женнифер Энистон "Huffpost"-д өгсөн нийтлэлдээ нийгмээс ганц бие эмэгтэйчүүдэд ирдэг дарамт шахалтын тухай бичжээ. "Хостой ч хосгүй ч, хүүхэдтэй ч хүүхэдгүй ч хүн бүр бүрэн цогц. Бид өөрийн бие, өөрийн амьдралаа юунд зарцуулах нь бидний эрх чөлөө".

4. "Ганцаардлаар дүүрэн үерхэл, аз жаргалтай ганцаардал гэж байдгийг би ойлгосон. Өөртэйгөө байх ямар гоё болохыг өдөр бүр мэдэрдэг. Би хостой ч хосгүй ч ресторанд хооллон, дарс шимэх дуртай. Нэг их ялгаагүй л санагддаг" -  Треси Эллис Росс

5. Эмма Ватсон 30 нас хүрэхдээ "үнэхээр цочролд орж байсан" тухайгаа хуваалцан, хүмүүсийн 30 нас хүрэхдээ хийсэн байх ёстой зүйлсийг шүүмжилж байв. "Тусдаа гараагүй, нөхөргүй, хүүхэдгүй, карьерын хувьд тогтворгүй 30 хүрнэ гэдэг аймшигтай зүйл мэт ханддаг. Гэвч би яг одоо хамгийн их жаргалтай байна шүү дээ. Үүнийг би "өөрийнхөө хамтрагч" гэдэг" 

6. Эмилия Кларк "Хүмүүс надаас болзож байна уу гэж маш их асуудаг ч би болзоогүй уджээ. Давгүй шүү. Бид төрөлхийн бусдыг хайрлан энэрэх хэрэгцээтэй байдаг бол миний хувьд одоогоор тэр хүн нь өөрөө л байна даа" гэжээ. 

7. Lil Nas X ярилцлага өгөхдөө "Карьертаа амжилт гаргахын тулд зарим зүйлийг золиослохоос аргагүй. Би яг одоогоор хөгжилтэй, үр бүтээлтэй амьдралыг хүсэж байна. Цаашид юу хүссэнээ л хийнэ дээ" гэжээ. 

8.Үерхлийн "хатан хаан" гэгдэх Тайлор Свифт ганц бие байгаа тухайгаа "Ер бусын үр бүтээлтэй" гэж тодорхойлжээ. "Би зүгээр л хэн нэгнийг, үерхлийг хүсэхгүй байна. Болох ёстой зүйл цагтаа болж л таарна" 

Эх сурвалж: Buzzfeed

Г.Сүрэн 2022.09.21

2