1 мин

"Кайли Женнэр"- ийн 2007 оноос хойшхи хувирал

Нийгмийн сүлжээн дахь хамгийн нөлөө бүхий хүмүүсийн нэг Кайли Женнэр 19 нас хүрч байна

2016.08.11

Яг одоо Карибын тэнгисийн эрэг дээр 19 насны төрсөн өдрөө тэмдэглэж буй Кайли Женнэр бол нийгмийн сүлжээн дахь хамгийн нөлөө бүхий, алдартай хүмүүсийн нэг. Тэрбээр телевизийн алдарт реалити шоу "Кардашян"-ийн гэр бүлийн нэг гишүүн юм. Тус шоунд чухал байр суурь эзлэх гоо сайхан, загвар, амьдралын хэв маягийг тэдний гэр бүл бүрдүүлдэг.

Энэ оны хоёрдугаар сард "Business Insider" сэтгүүлийн мэдээлснээр Инстаграм дахь хамгийн олон дагагчтай 10 хүний нэг Кайли Женнэр байжээ. Яг одоо түүнийг дэлхийн 70 гаруй сая хүн дагаж байна. Тэр өнгөрсөн онд өөрийн нэрийн уруулын будгийг гаргасан бол энэ жил нүдний будгийг шинээр худалдаанд гаргах болсон юм. "Кайли" нэрийн гоо сайхны бүтээгдэхүүнүүд зах зээлд тун эрэлттэй байдгийн шалтгаан нь түүний гэнтийн өөрчлөлттэй холбоотой хэмээн тайлбарлах хүн цөөнгүй.