Катарт "Дэлхийн гоо тэмээ" шалгаруулах тэмцээн болжээ
“Катар-2022” ДАШТ болж байгаагийн хажуугаар бас нэгэн дэлхийн хэмжээний тэмцээн зохион байгуулагджээ. Персийн булангийн улс орнуудаас энэхүү тэмцээнд тэмээнүүдээ бэлдэн оруулсан гэнэ.
Qatar Camel Mzayen Club-аас зохион байгуулж буй энэхүү тэмцээнд орж буй тэмээнүүдийг маш өндөр шалгуураар шалгажээ. Ямар ч мэс засалд ороогүйг нь батлахын тулд рентгин туяагаар шалгасан гэнэ дээ.
Тэмээний клубийн ерөнхийлөгч Хамад Жабер Аль Атба "Reuters" агентлагт өгсөн ярилцлагадаа:
Энэ бол хөлбөмбөгийн ДАШТ-тэй л адилхан. Бид тэмээнүүд дундаасаа хамгийн үзэсгэлэнтэйг нь шалгаруулахыг хүссэн. Тэмцээн таван өдөр үргэлжилсэн. Биеийн хэмжээ, толгой, чихний байрлал, бөх гээд олон зүйлийг нь харж шалгаруулсан хэмээжээ.
Шилдгээр нэрлэгдсэн тэмээнд 200,000 Катар риалын мөнгөн шагнал (54,355 ам.доллар) өгсөн гэнэ.
Нийт 43 тэмээ ботокс шахуулсан гэх шалтгаанаар хасагджээ.