1 мин

МАН-ын бүлэг: Жагсаал, бага хурал, генсек, бонд, Ундрам

Б.Энхцэцэг 2022.12.05 1

2

Амралтын өдрүүдэд үргэлжилсэн олон нийтийн эсэргүүцлийн жагсаал цуглааны улмаас улс төр нийгмийн анхаарлын төвд орж буй шинэ долоо хоногийн эхний өдөр эхэллээ. Төрийн ордонд УИХ дахь МАН-ын бүлгийн ээлжит хурлаар ямар асуудал хэлэлцсэнийг бүлгийн дарга Д.Тогтохсүрэн сэтгүүлчдэд хариулснаас дараах мэдээллийг тоймолъё. 

МАН-ын бүлгийн гишүүд Чингис бондын эргэн төлөлтийн талаар Сангийн сайд Б.Жавхлангийн мэдээллийг сонсжээ.  

Иргэдийн жагсаалыг хаанаас, ямар зорилготойгоор хийж байгаа, юуг хөндөж байгаа талаар бүлгийн хуралдаанаар хэлэлцжээ. 

МАН-ын бага хурал маргааш буюу арванхоёрдугаар сарын 6-нд хуралдах товыг жагсаал цуглаантай холбоотойгоор өөрчлөөгүй байна. 

МАН-ын бага хурлаар намын ерөнхий нарийн бичгийн дарга Д.Амарбаясгаланг солих эсэх талаар товлоогүй байна.

Нүүрсний хулгайн хэрэгт иргэдийн бухимдал газар авсан учраас ирэх даваа гаригт буюу энэ сарын 12-нд нүүрсний хулгайн асуудлаар сонсгол зохион байгуулна. УИХ Засгийн газар, "Эрдэнэс Тавантолгой" болон түр хорооны мэдээллийг нэгтгэж сонсоно. 

Нийгмийн сүлжээнд УИХ-ын гишүүн Ч.Ундрамтай холбоотой асуудал дэгдсэн тухайд “Энэ бол хувь хүний асуудал. Иргэд, сонгогчдын зүгээс Ёс зүйн хороонд өргөдөл гомдол өгвөл түүнийг тус хороо авч хэлэлцэнэ" гэв.

Б.Энхцэцэг 2022.12.05

2