2 мин

Хүн бүрийн мэдэх 9 төрлийн үзэгч + Та аль нь вэ?

Г.Сүрэн 2022.12.07

Хүүхэд байхаасаа л бид зурагтаар төрөл бүрийн контент нэвтрүүлэг хүлээн авч, одоо ч урт удаан ажлын өдрийн дараа дуртай нэвтрүүлэг, дуртай сувгаа тааруулахдаа бяцхан амралт, баяр хөөрийг мэдэрдэг. Зурагтын өмнө л харж болох олон төрлийн үзэгч байдгаас та аль нь бол?

#1 Өглөөний үзэгч

Өглөөний хөтөлбөр, өглөө л үзэж болох сонирхолтой нэвтрүүлгүүдийг та андахгүй. Өглөө эртлэн босоод өглөөний цоглог хөтөлбөр, цоо шинэхэн мэдээ мэдээлэлтэй өглөөг угтах нь таны хамгийн сайхан амралт.

#2 Тэсэн ядан хүлээгч

Та дуртай нэврүүлэг контентоо үзэхийн тулд л зурагт авсан гэхэд хилстэхгүй тийм "том" шимтэн үзэгч. Таны хувьд зурагтаар юу гарах, бусад хүмүүс юунд хуйлрах нь чухал бус өөрийнхөө сонголтоор бүхнийг шийдэгч үнэнч үзэгч юм.

#3 Архаг киноны "мангас"

Шинэ шилдэг, хуучны сонгодог гээд л бүх төрлийн киног андахгүй архаг кино мангасын хувьд та зурагтын цэсний хаанаас ямар киног "агнаж" болохыг маш сайн мэднэ. Хэдэн цагаас ямар кино аль сувагт гарахыг ч та аль хэдийн цээжилчихсэн байдаг.

#4 Хөгжмийн суваг хашраагч

Дуу сонсох, өдрийн аль ч цагт сэтгэл санаандаа тохирсон дуу хөгжмөөр өөрийгөө хөглөх дуртай хөгжмийн суваг хашраагч нараас л хамгийн "догь" хөгжмийн нэвтрүүлгүүдийг тандаж болох юм.

#5 Уйланхай үзэгч

Кино нэвтрүүлэг, бүр сэтгэл хөдөлгөм реклам сурталчилгаа үзээд ч нулимс дуслуулж мэдэх мэдрэмтгий үзэгч бол та!

#6 "Сүнслэг" үзэгч

Шөнийн 3 цагт гардаг ховорхон телевизийн нэвтрүүлгийг та л мэднэ. Хүн бүхэн унтаж байхад хааяа нэг үзэгдээд л өнгөрдөг цагийн зөрүүтэй улсуудын гайхалтай контентууд таны урын санд өчнөөн бий нь гайхалтай.

#7 Гэрийн фитнессчин

Зурагтын өмнө заавал хэвтэж эсвэл суух ёстой гэж үү? Харин та зурагт үзэхдээ ч хөдөлгөөнтэй байж, ядаж л сунгалт хийн чилээгээ гаргадаг хамгийн спортлог үзэгч юм.

#8 Унтамхай үзэгч

Урт өдрийн төгсгөлд гартаа удирдлага бариад л дуртай контентоо үзэх гээд суудаг ч үнэндээ нэг л мэдэхэд унтчихсан байх болно.

#9 Сошиал үзэгч

Хайртай хүнтэйгээ, халуун ам бүлээрээ, найз нөхдөөрөө цуглан зурагтаар хөгжөөнтэй, сайхан контент үзэх хамгийн гоё аз жаргал биш гэж үү?

Зурагт үздэггүй ч төрөл бүрийн сонирхолтой контентуудыг түүвэрлэн үзэх дуртай, эсвэл контент бараг үздэггүй ч зурагтын суваг эргүүлэн үзэх сонирхолтой бол танд Мобинетын VOO үйлчилгээний багц шинэчлэгдсэнийг дуулгахад таатай байна.