2 мин

Зөвхөн МУИС-ийн оюутнуудын ойлгох 16 зүйл

SISI гэж юу вэ гэж үү? Ер нь мэдээд хэрэггүй байхдаа.

О.Анхзаяа 2016.08.26

Бусад хүмүүс МУИС-д ороход хэцүү ч гэсэн төгсөхөд амархан гэж ярих үед.

Үнэндээ төгсөх гэж ямар их зовдгийг тэд ойлгодоггүй.

"SISI гэж юу вэ?" Энэ бол хүн болгоны амнаас гардаг асуулт. Гэхдээ энэ тухай мэдээд ч хэрэггүй...

Сургуулийн групп дээрээс хүссэн мэдээллээ олно гэдэг үнэндээ биелэгдэшгүй даалгавар л гэсэн үг.

Чи хаана сурдаг вэ?
-МУИС.
-Аан МҮИС юм уу? гэж хэлэх бүрт...

Хоёр дугаар байрны буфетэнд оочирлох үед эцэг эхчүүд маань 90-ээд оны үед юу үзэж, туулсаныг биеэрээ мэдрэх шиг л болно гээч.

Хичээлийн дөрөвдүгээр байрнаас наймдугаар байр луу завсарлагаанаар гүйх тэр мөч... Энэ боломжгүй мэт санагдавч үнэндээ энэ зуур хоол ч идэж амжина гээч. МУИС-ийн оюутнууд гүйлтийн тэмцээнд орвол яалтчгүй ялах нигууртай.

SISI хэзээ нээгдэж, хичээлээ хэзээд нь сонгох юм болдоо?

Бүгдэнгийх нь л болохгүй байна гээд байх юм. Гэтэл хэдийнээ анги нь дүүрчихсэн байдаг. Угаасаа тэгдэг л юм байлгүй дээ.

Хэн нэгэн "МУИС руу ороход л ааруул үнэртдэг, дандаа хөдөөний оюутнууд байдаг" гэж хэлэх үед...

Үнэндээ МУИС-д хөөрхөн охид хаа сайгүй...

Нурах шахсан VI байранд хичээл ордог байх үед...

Суурь хураамж гээд энэ юун 224,000 төгрөг нэмэгдчихэв ээ?

Шинэ номын сан төгсөхөөс өмнө л баригдаад дуусчихаасай.

МУИС-ийн эргэн тойронд хоолны газрууд хаа сайгүй... Урд Tse, Шөлөндөө, ард Этүгэн.

Өглөө болгон бусад их сургуулийн оюутнуудтай ганц автобусанд чихдэлцэж, нэрээ мартах шахам бууж ирэх мэдрэмж. Хааяа багтахгүй үлдэж хоцорно.

Тэд үргэлж нэг нэгэндээ туслаж, хэрэгтэй зүйлд нь хариулж, доод курсынхандаа зөвлөгөө өгч байдаг хамгийн эелдэг хүмүүс байдаг юм шүү. Хэрэв та МУИС-д сурдаг, мөн дөнгөж элсэн орж байгаа бол тэдгээр хүмүүсийн эелдэг, бүтээлч зангаас суралцан, өөрөө ч мөн үлгэр дуурайлал болохуйц мундаг оюутан байна гэж найдаж байна.