1 мин

2022 онд спиртгүй “согтууруулах” ундааны борлуулалт 9 хувиар өсжээ

Ub.life 2022.12.29

2022 онд дэлхийн томоохон 10 зах зээл дээр спиртгүй “согтууруулах” ундааны борлуулалт есөн хувиар өссөн талаар “IWSR Drinks Market Analysis”-д онцолжээ. Спиртгүй болон спиртийн багахан агууламжтай ундааны зах зээл сүүлийн дөрвөн жилийн дотор гурван тэрбум ам.доллароор тэлсэн байна. Судалгааны IWSR байгууллага уг судалгааг хийхдээ Австрали, АНУ, Бразил, Герман, Испани, Их Британи, Канад, Өмнөд Африк, Франц, Японы зах зээлийг авч үзсэн аж. 2026 он гэхэд Австрали, АНУ, Канадад спиртгүй “согтууруулах” ундааны зах зээл жил бүр хоёр оронтой тоогоор хэмжигдэхүйц хувиар өснө гэнэ. 

Спиртгүй “согтууруулах” ундааны борлуулалт ийн өсөж буй нь миллениал үеийнхний хэрэглээнээс голчлон шалтгаалж байгаа гэж тэд үзжээ. Спиртгүй болон спиртийн бага агууламжтай согтууруулах ундаа хэрэглэгчдийн 78 хувь нь энгийн согтууруулах ундаатай сөөлжүүлж хэрэглэдэг бол 18 хувь нь согтууруулах ундаа огт хэрэглэдэггүй хүмүүс аж. 

Ub.life 2022.12.29