1 мин

Парисын Их дуулга тэмцээнээс Б.Эрхэмбаяр мөнгө, О.Уранбаяр хүрэл медаль хүртлээ

У.Чинзориг 2023.02.06

Жүдо бөхийн Их дуулга ангиллын 2023 оны анхны тэмцээн болох Парисын Их дуулга 2-р сарын 4-5-ний өдрүүдэд явагдаж өндөрлөлөө. Тус тэмцээнд зодоглосон монголын тамирчдаас 66 кг-ын жинд Б.Эрхэмбаяр мөнгөн медаль хүртлээ. Өнгөрсөн оны Парисын Их дуулгад 66 кг-ийн жинд зодоглосон Ё.Басхүү финалд Ан Баулыг ялж түрүүлж байсан билээ. Харин Б.Эрхэмбаяр өнөө жил Ан Баулыг хоёрдугаар тойрогтоо ялсан юм. Б.Эрхэмбаяр Их дуулга ангиллаас гурав дахь медалиа авч буй нь энэ бөгөөд өнгөрсөн онд Улаанбаатар Их дуулгад түрүүлж байв.

Мөн эрэгтэйчүүдийн 73 кг-ын жинд зодоглосон О.Уранбаяр хүрэл медаль хүртлээ. Өнөө жил 24 настай тэрээр олон улсын тэмцээнээс анхны медалиа авч буй нь энэ байлаа.

Жүдо бөхийн үндэсний шигшээ багийн тамирчид хоёрдугаар сарын 16-18-нд Тель-Авивын "Их Дуулга"-д барилдах хуваарьтай байна.