ТикТок платформ 18 хүртэлх насны хүүхдүүдийн өдрийн хэрэглээг нэг цагаар хязгаарлах журмаа танилцууллаа. Шинэ журам нь дараа долоо хоногоос эхлэн дэлхий даяар хэрэгжих аж.
"Common Sense" медиагийн явуулсан судалгаагаар цар тахлын жилүүдэд АНУ-ын 8-12 насны хүүхдүүдийн ТикТок ашиглах нь 17 хувиар өссөн, 2021 онд энэ насныхан дунджаар 5 цаг 33 минутыг, өсвөр буюу 12-18 насныхан 8 цаг 39 минутыг тус платформыг ашиглан өнгөрүүлсэн болохыг танилцуулсан юм. Тиймээс хүүхдүүдийн хэрэглээнд хязгаарлалт тавьж, өдрийн 60 минутаас хэтрүүлэхгүй байхаар ийн шийдвэрлэжээ.
Даваа гарагт АНУ-ын Засгийн газар улсынхаа харьяа бүх байгууллагуудын сүлжээгээс ТикТок платформыг хасаж цэвэрлэх 30 хоногийн хөтөлбөрийг эхлүүлээд буй.
Эх сурвалж: BBC
