1 мин

Дэлхийн шилдэг их дээд сургуулиудын 1700 цахим сургалтыг ҮНЭГҮЙ үзээрэй

Г.Сүрэн 2023.05.09

Харвард, Оксфорд, MIT, Йелийн их сургууль зэрэг дэлхийн шилдэг их дээд сургуулиудын албан ёсны сертификаттай 1700 гаруй богино, урт хугацааны сургалтуудыг үнэ төлбөргүйгээр "Openculture" цахим санд байршуулжээ. Зарим сургалтыг бүтнээр нь үнэгүй үзэж, үнэ төлбөргүй сертификат авч болох зарим нь сертификат нь тусдаа үнэлгээтэй байх юм.

Coursera, FutureLearn, EdX зэрэг олон улсын тэргүүлэх цахим сургалтын платформуудын хичээлүүдэд археологи, архитектур, урлаг, урлагийн түүх, дэлхийн түүх, харилцаа холбоо, дизайн урлаг, эдийн засаг, боловсрол, кино, хоол судлал, геологи, анагаах ухаан, сэтгүүл зүй, уран зохиол, хэл судлал, хууль эрх зүй гэх мэт бүхий л чиглэлийн тэргүүлэх сургалтууд багтжээ.

Уран зохиолын хичээлүүдэд Эртний Ромын уран зохиолоос өнөө цагийн шилдэгт тооцогдох Франк Хербертийн "Dune" роман судлал ч бий нь үнэхээр сонирхолтой.

Мөн "Pixar"-ийн анимейшн сургалт, Платоноос орчин үеийн суутнууд хүртэлх гүн ухааны хичээл, старт-ап нээхэд туслах сургалт, бүх төрлийн код бичих гэх мэт хичээлүүд нь өндөр хандалттай байна.