1 мин

Курт Кобейны эвдсэн гитар 600 мянган ам.доллараар зарагджээ

Г.Сүрэн 2023.05.23

Nirvana хамтлагийн нэрт дуучин Курт Кобейны 1990-ээд оны үед "Nevermind" цомгоо бэлдэж байх үедээ өөрийн гараар эвдэж хаясан гитар дуудлага худалдаагаар 600 мянган ам.долларын үнэд хүрчээ.

Хагархай хар өнгийн "Fender Stratocaster" брэндийн энэхүү гитараар Курт Кобейн олон жил тоглосон ч өөрөө газарт цохин хагалж, эргүүлэн эвлүүлсэн ч ахин хөгжим тоглох боломжгүй болжээ. Гитаран дээр хамтлагийн бусад гишүүдийн ч гарын үсэг мөнгөн тэмдэгтээр зурагдсан байдаг аж.

Мөн Курт Марк Ланеганд найздаа бичсэн үгс, өөрийнхөө нэрийг алдаатай бичсэн зэрэг нь ч гитартай хамт хадгалагдан үлджээ. Уг гитар 80 мянган ам.долларын үнэтэй бөгөөд дуудлага худалдаагаар 600 мянган ам.долларт хүрчээ.