1 мин

2100 онд дэлхийн дулаарал 2.7 хэмээр нэмэгдэж 2 тэрбум хүний амьдрал аюулд орно

Г.Сүрэн 2023.05.24 2 1

Их Британийн Эксетерийн их сургуулийн Тимоти М.Лентон, Чи Сю, Жесси Ф.Абрамс тэргүүт эрдэмтдийн Даваа гарагт нийтэлсэн шинэ судалгаагаар  дэлхийн дулаарал 2100 он гэхэд 2.7 хэмээр нэмэгдэж, 2 тэрбум гаруй хүний амьдралд маш аюултай түвшинд хүрэхийг анхааруулжээ. 2100 онд дэлхийн нийт хүн амын тоо 10.3 тэрбумд хүрэх төлөвтэй байгаа юм. 

Энэтхэг, Нигер, Индонез, Филиппин, Пакистан гэх таван улсад дэлхийн дулаарал хамгийн их мэдрэгдэж цаг уурын тэвчишгүй нөхцөл байдал үүсэхийг эрдэмтэд онцолжээ. 

Дэлхийн дулаарал цельсийн 0.1 хэмээр өсөхөд л 140 сая хүний амьдрал аюулд ордог аж. Дэлхийн дулаарал нэмэгдсэнээр гадаа орчинд хэт халж, хэт хуурайшиж, эсвэл хэт хүйтэн болох зэргээр хүн амьтны амьдралд шууд сөрөг нөлөө үзүүлэх болно. 

Дэлхийн цаг уурын байгууллага саяхан ирэх таван жилийн хугацаанд манай дэлхийн температур аж үйлдвэржилтийн өмнөх үеийнхээс нэг жилийн хугацаанд цельсийн 1.5 хэмээс илүү дулаарах магадлал 66 хувьтай байгааг зарласан юм. 

Эх сурвалж: BBC

Г.Сүрэн 2023.05.24