UBLife Logo
Newsfeed

Хүүхдүүдээс л сурч болох хамгийн гоё, сэтгэлд дулаахан 8 зүйл

Г.Сүрэн
Г.Сүрэн
Хүүхдүүдээс л сурч болох хамгийн гоё, сэтгэлд дулаахан 8 зүйл

Хүүхэд хамгийн сайн багш гэдэгтэй та санал нэгдэх үү? Хүүхэд байхдаа мэддэг байсан ч том болох тусмаа бага багаар мартаж буй "хөөрхөн" зүйлсийг хүүхдүүд л бидэнд сануулж өгдөг. Тэднээс юу юуг сурч болно гээч? 

#1 Мэдрэмжээ илэрхийлэх Инээмээр байвал инээж, уйлмаар байвал уйлж, гомдлоо ч дор нь илэрхийлэх зэргээр хүүхэд мэдрэмжээ хэнээс ч нуулгүй шууд л илэрхийлж чаддаг. 

#2 Юм бүхнийг сониуч нүдээр харах 

Хүүхэд амьдралын бүхий л гайхалтай зүйлсийг сониучирхан, амьдралын сайхныг мэдэрч чаддаг. Хүүхэд нас гэдэг бүхэлдээ танин мэдэх, шинээр турших, шинэхэн адал явдал байдаг шүү дээ. 

#3 Хайрлах Хүүхэд сэтгэл нь шархлах вий, хариу авахгүй байх вий гэж хайрладаггүй. Тэд зүгээр л хайрладаг. Чин үнэн, цайлган цагаахан хайрыг бид хүүхдүүдээс суралцаж чадна. 

#7 Хөгжилтэй байж, тоглож, инээх

Хүүхдүүд тоглон хөгжилдөхөд хүмүүс юу гэж хэлэх, харах нь ч сонин биш. Тэд хэрхэн хөгжилдөх, нэгхэн ширхэг модыг ч уран төсөөллөөрөө амьдруулан үлгэрийн ертөнцийг бүтээн бүтээлчээр тоглож чаддаг. 

#5 Мөрөөдөл, ид шид, гайхалтай зүйлст итгэхИд шидийн ертөнц, томчуудын төсөөлөлд ч баймааргүй нууцлаг гайхалтай бүхнийг хүүхэд уран төсөөллөөрөө бий болгох чадалтай. Хүүхэд байхдаа та ч бас хэдэн цагаар ч хамаагүй мөрөөдөж, ид шид, ганц эвэрт, үлгэр домог, ер бусын зүйлст итгэдэг байснаа эргэн санаарай. 

#6 Айдасгүйгээр хүссэнээ хийх, айлгүйгээр асуулт асуух Хүүхдүүд "Яагаад" гэх асуултаар дүүрэн байдаг. Тэд айлгүйгээр асууж, юмсыг гүнд нь хүртэл сонирхож, түүгээрээ ид шидийг бүтээгч нар юм. 

#4 Жижигхэн зүйлсийг ч анзаарах

Нийтлэлийн 3 ба 7 тоо солигдсоныг та анзаарсан уу? Хэрвээ хүүхдүүд байсан бол тэд шууд л анзаарах вий. "Жижигхэн зүйлсийг ч анзаарч байгаарай. Та эргэн хараад үнэхээр том зүйл байсныг нь ойлгох болно" гэх үг ч бий. Хүүхдүүд шувуудын жиргээ, бяцхан салхи, жижигхэн чулууг ч анзаарч чаддаг гайхалтай "улс". 

#8 Хөдлөх, хөөцөлдөж гүйх, "дүрсгүйтэх"  

Хүүхэд байхдаа өдөржин хөөцөлдөн гүйж, хүссэнээрээ дүрсгүйтэн, оройжин тоглосон ч хөгжилтэй байдаг байснаа та санаж байна уу? Том болох тусам бид хөдлөх нь багасаж, хөдөлгөөнгүй суух нь ихэсдэг. Хэрхэн дүрсгүйтэж, хөөцөлдөхийг хүүхдүүд маш сайн мэднэ. 

Illustrations: _Dotorhun_

ЭНЭ МЭДЭЭНД ӨГӨХ ТАНЫ СЭТГЭГДЭЛ?
0
0
2
0
0
0
0
0

СЭТГЭГДЭЛ БИЧИХ
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Энэ 7 хоногийн онцлох эвентүүд: Жизель, “Алтан өргөө“ олон улсын кино наадам, дэлхийн цирк +

Энэ 7 хоногийн онцлох эвентүүд: Жизель, “Алтан өргөө“ олон улсын кино наадам, дэлхийн цирк +

14 хотод хуваагдахаа шахсан Улаанбаатар хотод маань хаврын хуйсагнасан өдрүүд үргэлжилж байна. Өөрийгөө завгүй байлгаж, сонирхолтой арга хэмжээнүүдээр ороод гарахад яагаад болохгүй гэж тийм ээ?

Энэ долоо хоногийн онцлох эвентүүд: Дуурь, сонгодог болон үндэсний хөгжим, и-спорт тэмцээн, хурим

Энэ долоо хоногийн онцлох эвентүүд: Дуурь, сонгодог болон үндэсний хөгжим, и-спорт тэмцээн, хурим

Нарны илч өдрөөс өдөрт халуун дулаанаа бидэнд бэлэглэж буй шинэхэн долоо хоногийн мэндийг уншигчдадаа хүргэе. Энэ долоо хоногийн нарлаг, дулаан өдрүүдэд Улаанбаатарт болох арга хэмжээ, үзвэр үйлчилгээнүүдийн мэдээллийг энэ нийтлэлээс уншаарай.