“Apple”-ийн утасгүй чихэвч худалдаанд гарах хугацаа хойшлогдов
“AirPod” чихэвч энэ сард багтаж худалдаанд гарах ёстой байсан билээ.
Өнгөрсөн сард “Apple” компани чихэвчний оролтгүй iPhone7 утасаа сүр дуулиантай танилцуулж, үүнтэй хамт дагалдах хэрэгсэл болох AirPods нэртэй wireless чихэвчээ танилцуулсан билээ. Энэхүү чихэвч 159 ам.доллараар аравдугаар сард худалдаанд гарна хэмээн мэдээлж байсан билээ.
Гэвч одоо “Apple” компани хугацаанд бага зэрэг өөрчлөлт оруулаад байна. Тэд CNET-д өгсөн ярилцлагадаа “AirPods-ийг худалдаанд гаргахад ахиад бага зэрэг хугацаа хэрэгтэй байна. Бид бүтээгдэхүүнийг бэлэн болоогүй байхад нь хэрэглэгчдийн гар дээр хүргэхийн хүсэн байна” гэжээ. Одоогийн байдлаар энэ утасгүй чихэвч хэзээ худалдаанд гарах нь тодорхойгүй байна.