Инстаграм дээр LIVE бичлэг хийх боломжтой боллоо
Алдаж болохгүй мөчийг бусадтай хувалцаалах шинэ боломж
Өчигдөр Истаграмаас хэрэглэгчиддээ зорилж хоёр шинэ өөрчлөлт танилцууллаа. Нэг нь инстаграм дээр Instagram Stories буланд LIVE бичлэг хийх боломжтой болсон бол, нөгөө нь Instagram Direct буюу найзууд хоорондоо шууд зураг болон бичлэг дамжуулдаг байсныг болиулсан байна.
Инстаграм албан ёсны цахим хуудастаа “Өнгөрсөн наймдугаар сард бид Instagram Stories-ийг танилцуулсан билээ. Хүмүүс профайл дээр нийтлэдэг зургуудаас гадна өдөр тутмын амьдрал дээр хийдэг мөчүүдээсээ хуваалцах боломжийг олгож буй энэ цэс өнөөдөр 100 сая гаруй байнгын хэрэглэгчтэй болсон байна. Өнөөдрийн энэ шинэчлэлт та бүгдэд гайхалтай мөчүүдээ хуваалцах илүү чөлөөтэй боломжийг олгох юм” хэмээн бичжээ.
LIVE бичлэг
Instagram Stories-д тань хадгалагдсан LIVE буюу шууд бичлэгүүд найзууд болон дагагчидтайгаа илүү ойр байхад тань туслана. Шууд бичлэгээ хийж дууссаны тань дараа тэр бичлэг инстаграм апп-аас алга болох тул та хүссэн үедээ хүссэн зүйлээ хуваалцах боломжтой.
Ийм бичлэг хийхэд тун хялбар. Та ердөө хамгийн баруун тал дахь LIVE хэсгийг сонгож “Start Live Video” товчлуурыг дарснаар нэг цагаас хэтрэхгүй шууд бичлэг хийж болно. Зарим найзуудад тань шууд бичлэг хийж байгааг тань мэдээлсэн notification очно. Шууд бичлэг дамжуулж байхдаа та тайлбар бичиж ч болох юм.
Таны дагадаг хэн нэгэн шууд бичлэг хийж байгаа бол Instagram Stories цэсэн дэх профайл зургийнх нь доор “LIVE” гэсэн бичиг гарах болно. Шууд бичлэгээ цацаж байх үед нь та сэтгэгдэл бичиж, like дарж ч болно. Мөн “Top Live” хэсгээс хамгийн эрэлттэй байгаа шууд бичлэгийг ч олж үзэх боломжтой гээч.
Шууд бичлэгийн цэс ирэх өдрүүдэд дэлхийн өнцөг буланд нээлттэй болох юм байна.