1 мин

Хөтлөгч Л.Мөнхбаясгаланг Бооёо, П.Анужинг Бархүү орлож, бидэнд инээд бэлэглэнэ

Ямартай ч бид инээд баясал дүүрэн шинэ оноо угтах нь дээ.

Э.Намуун 2016.12.22

Жил бүрийн шинэ жилийн баяраар хошин урлагийнхан маань бидэнд инээд хөөр, аз жаргал бэлэглэдэг билээ. Тэд энэ жилийн баярын тусгай нэвтрүүлгээ аль хэдийнэ бэлдээд дууссан бололтой.

“X Түц” продакшны уран бүтээлчид “Өвлийн инээмсэглэл” баярын тусгай дугаараа “Монгол тулгатны 100 эрхэм” нэвтрүүлгээр зохиомжилсон байна. Тодруулбал, тус нэвтрүүлгийн хөтлөгч асан П.Анужинг жүжигчин, СТА Т.Бархүү Баргужин нэрээр хөтлөх бол жүжигчин, СТА Н.Онон Ардын уран зохиолч, Төрийн шагналт, соёлын гавьяат зүтгэлтэн, яруу найрагч Б.Лхагвасүрэнг дуурайж, элэглэхээр болов.

Харин “Шинэ үе” продакшныхан “Цензургүй яриа” нэвтрүүлгээр үзэгчидтэйгээ уулзахаар болжээ. МУГЖ Л.Баттулга Ерөнхийлөгч Ц.Элбэгдоржийн дүрд хувирах бол МУГЖ Б.Ариунболд хөтлөгч Л.Мөнхбаясгалангийн дүрээр үзэгчидтэйгээ уулзах нь.