“Авьяаслаг Монголчууд”-ынханы хийсэн ГЭРТЭЭ ГАНЦААРАА 31-нд гарна


Image Г.Ариунзул       38892

Он солигдох мөч ойртож, их хотод маань хэдийн баярын уур амьсгал оржээ. Энд тэдгүй баярын гоёлоо зүүсэн охид, бүсгүйчүүд, ганган гацуур модод үзэгдэнэ.

Жил бүрийн арванхоёрдугаар сарын 31-нд Үндэсний телевизийн дэлгэцээр баярын тусгай хөтөлбөр “Цэнхэр дэлгэц”-ийг үзэх гэж хүн бүр сэтгэл догдлон хүлээдэг байсан үе саяхан мэт санагдана. Тэгвэл энэ жил энэ догдлол, хүлээлт бидэнд эргэн ирэх нь.

Учир нь бидний хайртай “Монгол HD” телевизийн “Авьяаслаг монголчууд” нэвтрүүлгийн хамт олон та бидэнд шинэ жилийн сюрприз бэлдэж байгаа сурагтай.

Тэд өчигдөр “Авьяаслаг монголчууд Шинэ жил 2016” нэртэй тизер бичлэг цахим хуудастаа байршуулсан нь олны анхаарлыг татаад байна.

Шүүгч Анхаа, Ууганаа нар “Өвлийн өвгөн цасан охинтойгоо ирлээ шүү” гэснээр бичлэг эхэлж байх юм. “Юу билээ” гэж бодож амжаагүй байхад л Рокит Бэй тэр хоёрыг ёстой л “болгож тавьж” байна аа. Тоглоомон буугаар шүршиж, тогонд цохиулаад л...

Гэнэт энэ бүгд нэг л танил санагдаад явчихлаа.

Энэ чинь шинэ жилийн хамгийн алдартай кино болох “Гэртээ ганцаараа” (1990) кино байна шүү дээ. Рокит Бэй лав гэрийнхэндээ “мартагдаж” гэртээ ганцаараа үлдсэн адтай хүү Кэвин болж таарлаа. Харин Анхаа, Ууганаа хоёр бүтэлгүй хулгайч Марв, Хэрри хоёр байх нь.

Цаашлаад шүүгч Чука, Чимгээ нар ч  харагдана лээ.

Харин төгсгөлд нь шүүгч Дээгий, өнгөрсөн жилийн шоуны ороцогч, өнөөх “хамт лагер явдаг” Баярсайхантайгаа уулзаж байх юм. Юу л болох бол доо...

Ямартаа ч “Авьяаслаг монголчууд”-ынхан маань бидэнд маш гайхалтай бэлэг бэлдсэн бололтой дог шүү. Одоо бид бүгд 31-ний орой цэнхэр дэлгэцийнхээ өмнө тухлан суугаад юу болохыг харах л үлдлээ!


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.


Dreamers’ Day: “Амиа егүүтгэлийн дэлгүүр” киноны тухай СОНИРХОЛТОЙ баримтууд

Энэ бямба гарагт хоёр танхимд зэрэг гарах "Амиа егүүтгэгсдийн дэлгүүр" анимэйшны тухай.

О.Анхзаяа

Дараах 12 шинж тэмдэг илэрч байвал та МИЛЛЕНИАЛ гэсэн үг

Миллениалуудыг өөрөөр шинэ мянганыхан, 20-иод настнууд, технологийн эриний гол хэрэглэгчид, БИ үеийнхэн гэж нэрлэх нь ч бий

Б.Эгшиглэн

Зургаан настай хүүгийнхээ зурсан зургийг аав нь “амилуулжээ”

Хүүхдийн сэтгэхүйгээр бүтсэн зураг бодит амьдрал дээр ямар байх бол?

Э.Намуун

Их уншсан