Эм хэрэглэхдээ юуг анхаарах ёстой вэ?
“Modern Mongolian Family” пэйжийнхэн эмийн хэрэглээний тухай зөвлөгөө хүргэж байна.
“Modern Mongolian Family” пэйжийнхэн эмийн хэрэглээний тухай зөвлөгөө өгч байна. Та доорх зөвлөгөөг амьдралдаа хэвшил болгож, эмийн зохисгүй хэрэглээнээс зайлсхийгээрэй.
1.
Энгийн, хөнгөн ханиаданд болж өгвөл эмийн бус уламжлалт аргыг хэрэглэх эсвэл ургамлын гаралтай эмийг сонгох нь илүү тохиромжтой. Тухайлбал, нус гоожиж эхэлвэл Инсти хүүхдийн цай, ханиалгаж эхэлвэл Проспан сироп хэрэглэхийг зөвлөж байна.
2.
Ойр дотны хүн, танилын зөвлөснөөр хүүхдэдээ “сайн” гэсэн эмийг сонгохоос илүү эмчийн зааврын дагуу антибиотик эм сонгоорой. Хүүхэд бүрийн өссөн орчин, биеийн онцлог, хооллох дуршил, антибиотикийн мэдрэг чанар өөр байдгаас антибиотик хүртэл өөр өөр үйлчлэх магадлалтай. Дур мэдэн олон төрлийн антибиотик хэрэглэснээр “эмийн хордлого” гэх аюултай зүйл болдог.
3.
Эм нь ДЭМБ-аас баталж гаргасан нэр буюу олон улсын нэршил, үйлдвэрлэгч болгон өөрийн бүтээгдэхүүндээ патент авсан худалдааны нэр гэсэн хоёр нэртэй байдаг. Эмийн сангийн жор баригч танд олон улсын нэршлийн дагуу худалдааны нэршлээр олгох ба хэрвээ та эргэлзэж байвал найрлагатай нь сайн танилцаарай. Жишээлбэл, Амоксициллин нь бактокс буюу сироп хэлбэрээр, флемоксин солютаб зэрэг худалдааны нэрээр борлуулагддаг.
Хэрэглэхийн өмнө анхаарах зүйлс:
1.
Тухайн эмний хайрцаг, сав боодол бүрэн бүтэн, хадгалалтын горим зөв байсан эсэхийг шалгаарай.
2.
Эмийн хугацааг сайтар шалгана уу.
3.
Эмчийн жороор авч байгаа бол нэр тунг сайтар шалгаж, жорын маягттайгаа тулгаж аваарай.
4.
Уух заавар, хоногийн тунг сайтар лавлах хэрэгтэй шүү.
5.
Хэрэв эмч, жор баригч хоёрын заавар зөрж байвал эмийн заавартай сайн танилцахыг зөвлөж байна.
6.
Ямар ч эмийг хэрэглэхийн өмнө уух заавартай сайтар танилцах хэрэгтэй. Эмийн үйлдвэрлэгч нар олон жилийн судалгаа шинжилгээний үр дүнд эмийн зааврыг боловсруулдаг учир найдвартай.
7.
Гаж нөлөө болон харшлах хоол хүнс байгаа эсэхийг лавлаарай.
8.
Эмийн найрлага нь бусад ууж байгаа эмийн найрлаганд орсон эсэх нь чухал шүү. Учир нь хоногийн тун хэтэрвэл эмийн хордлого болох магадлалтайг санаарай.
9.
Антибиотик эмийн цагийг чанд барьж хэрэглэх нь маш чухал. Цагаар хэрэглээгүйгээс үйлчилгээ нь буурдаг.