Хайх зүйлээ бичнэ үү

1 мин

4500 оюутан Сүхбаатарын талбайд өглөөг угтлаа

4500 оюутан “Монгол хүний хөгжил Монголын ирээдүй” гэсэн уриалгыг нэгэн зэрэг хэллээ.


Оюутан залуус өнөөдөр Улаанбаатарын хөл хөдөлгөөн жигдрэхээс урьтан 06.30 цагт Сүхбаатарын талбай дээр цуглалаа. Эд бол Монгол Улсын Ерөнхийлөгчийн ивээл дор хэрэгжиж буй “Англи хэлтэй залуус”, “Ажилтай оюутан” хөтөлбөрүүдэд хамрагдан нэгэн зорилго дор нэгдэж эерэг хандлагыг түүчээлж буй оюутан залуус. Цагаан цамцаар ижилссэн тэд Монгол Улсын төрийн дууллаа эгшиглүүлэн өглөөг эхлүүлж, хамтдаа өглөөний дасгал хийв.  

Уг хөтөлбөрт МУИС, ШУТИС, ХААИС, Худалдаа үйлдвэрлэлийн их сургууль, Удирдлагын академи, Этүгэн, Сити, Идэр зэрэг улсын болоод хувийн хэвшлийн их, дээд сургуулиудын оюутнууд хамтарчээ. 

Залуус хоггүй, утаагүй, ногоон байгууламжтай, ан амьтдаар баян, уул ус нь байгалиараа, эрүүл аюулгүй орчинтой, хүн ард нь амгалан тайван Монголын төлөө  эх орноо хайрлахыг уриалж “The Hu” хамтлагийн “Юу вэ Юу вэ Юу” дууны хэмнэлд монгол бүжгийн хөдөлгөөнтэй флаш моб хийсэн нь сэтгэл хөдөлгөм байлаа. Энэ цуглааны төгсгөлд 4500 оюутан “Монгол хүний хөгжил Монголын ирээдүй” гэсэн уриалгыг нэгэн зэрэг хэллээ.

Тэд ирэх долоо хоногт агаар болон хөрсний бохирдлын эсрэг сайн үйлсийн аян эхлүүлэхээр төлөвлөж байгаа аж.

Бэлтгэсэн: Х.Хулан

холбоотой мэдээ
1
22 цагийн өмнө
Сонсголонгийн хос гүүрийг ашиглалтад оруулж, замын хөдөлгөөнийг нээлээ
2
22 цагийн өмнө
Ерөнхийлөгч Х.Баттулга, БНЭУ-ын Ерөнхий сайд Нарендра Моди нар уулзлаа
3
22 цагийн өмнө
Ард нийтийн санал асуулга явуулах тогтоолд хориг тавилаа
санал болгох
1
22 цагийн өмнө
Сонсголонгийн хос гүүрийг ашиглалтад оруулж, замын хөдөлгөөнийг нээлээ
2
Өчигдөр
Өнө мөнхөд бэлэн үү?
3
Өчигдөр
Монголд зүйр цэцэн үг ашигласан "meme" трэнд болж буйг илтгэх 22 зураг

Энэ мэдээнд өгөх таны сэтгэгдэл?
0
0
0
0
0
0
1
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.