Утааны эсрэг дахин жагсана


Image Э.Намуун       2220

Утааны эсрэг жагсаалыг зохион байгуулагчид бямба гарагт буюу энэ сарын 7-нд хоёр дахь жагсаалаа зохион байгуулна. Жагсаал болох цаг нь хараахан товлогдоогүй аж. Өнгөрсөн сарын 26-нд ээж, аавуудын санаачлагаар "Утааны эсрэг ээж, аавууд" нэрийн дор иргэд жагссан. Улмаар УИХ-ын Өргөдлийн байнгын хороонд жагсаалд цуглагчид зохион байгуулагчдын бэлтгэсэн өргөдөлд гарын үсэг зурсан юм. 

Уг жагсаалыг зохион байгуулагчид иргэдийн 2500 өргөдлийг Өргөдлийн байнгын хороонд хүлээлгэн өгснөөр тэд энэ асуудлаар хуралдаж эхэлсэн. УИХ-д хаягласан өргөдлийг нийт 2500 орчим хүн бөглөж, гарын үсгээ зуран баталгаажуулсан байна. Харин жагсаалыг зохион байгуулагчдын хэлж буйгаар ойролцоогоор 4 мянга орчим хүн жагсаалд оролцжээ. 

Засгийн газар энэ сарын 1-нээс эхлэн гэр хорооллын хоёр тарифт тоолууртай 110 мянган өрхөд зориулж 21:00-06:00 цагийн хооронд цахилгааны хөнгөлөлтөд хамруулж буй. Мөн утааг эсэргүүцсэн олон нийтийн санаачлага идэвхжсэнтэй холбоотойгоор Ерөнхий сайд эрдэмтдэд үүрэг даалгавар ч өгсөн. 


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.


Нэгдүгээр ангид элсэх хүүхдүүдийг бүртгэж эхэллээ

Бүртгэл тавдугаар сарын 15 хүртэл үргэлжилнэ.

Э.Намуун

Их уншсан