Цэцэрлэг, сургууль, их дээд сургуулийн амралтыг зохицуулах ажлын чигийг С.Батболдод өглөө
Дэлхийн эрүүл мэндийн байгууллагын зөвлөмжийн дагуу амбулторын үзлэгийн 15 хувийг томуу, томуу төст өвчин эзэлсэн тохиолдолд хязгаарлалтын арга хэмжээ авахыг зөвлөдөг юм байна. Тэгвэл нийслэлийн хэмжээнд энэ тоо 13-17 хувьд хүрсэн тухай Эрүүл мэндийн яамнаас мэдээлжээ. Тиймээс Эрүүл мэндийн сайд А.Цогцэцэг нийслэлийн Засаг дарга бөгөөд Улаанбаатар хотын захирагч С.Батболдод албан бичиг хүргүүлжээ.
Албан бичгээс үзэхэд, цэцэрлэг, ерөнхий боловсролын болон их дээд сургуулийн хичээл амралтыг зохицуулах, үзвэр үйлчилгээ олон нийтийн газрын ажиллах цагийн хуваарийг богиносгох, хаах арга хэмжээг үе шаттай авах тухай тэмдэглэжээ.