Хөгжимчин, зохиолч Леонард Коэн өөд болжээ
Сүүлчийн цомгийнхоо "Leave the Table" дуунд "Би ширээг орхиж байна. Би тоглоомоос гарлаа" хэмээн дуулж байв. Леонард Коэн ингэж дуулаад сар ч болоогүй байхдаа хорвоог орхилоо.
Канадын алдарт уран бүтээлч Леонард Коэн өчигдөр 82 насандаа өөд болсон талаар фэйсбүүк хуудаст нь мэдээлжээ. Өнгөрсөн сарын 21-нд тэрбээр "You Want It Darker" нэртэй сүүлчийн цомгоо нийтэлсэн. Цомгийнхоо "Leave the Table" дуунд "Би ширээг орхиж байна. Би тоглоомоос гарлаа" хэмээн дуулж байв. Леонард Коэн ингэж дуулаад сар ч болоогүй байхдаа хорвоог орхилоо.
50 нас хүрсэн хойноо хөгжмийн карьераа эхлүүлэхээс өмнө яруу найргийн түүвэр, роман бичиж байсан Леонард Коэнтэй эн зэрэгцэх дуу зохиогч гэвэл магадгүй түүний дотнын анд Боб Дилан. Эх орон нэгт Жони Митчелл, Пол Саймоныг нэрлэж болно.
Жефф Баклигийн дуулснаар олонд танигдсан "Hallelujah"-г Леонард Коэн бичсэн юм.