2016 онд биднийг орхисон алдартнууд
Энэ ертөнцөөс одсон ч түүхэнд үлдсэн тэднийг дурсан санацгаая.
Их Британийн домогт дуучин Дэвид Боуи нэгдүгээр сарын 11-нд 69 насандаа элэгний хорт хавдраар нас барсан.
Өнгөрсөн сарын 25-нд Кубын хувьсгалын удирдагч Фидель Кастро 90 настайдаа нас нөгчлөө.
Их Британийн жүжигчин Алан Рикман нэгдүгээр сарын 14-нд энэ ертөнцийг орхисон. “Харри Поттер” киноны профессор Северус Снеггийн дүрээр хүмүүс түүнийг сайн мэднэ.
ЗХУ, ОХУ-ын ардын жүжигчин Наталья Крачковская гуравдугаар сарын 3-нд Москвад нас барсан. Тэрбээр 77 настай байлаа.
Домогт боксчин Мохаммед Али зургаадугаар сарын 6-нд 75 настайдаа насан эцэслэсэн. Али 30 жил паркинсоны өвчинтэй тэмцэж байсан билээ.
Америкийн дуучин, хөгжмийн зохиолч, яруу найрагч Принс дөрөвдүгээр сарын 21-нд нас барсан. 57 нас хүрч байв.
ФИФА-гийн Ерөнхийлөгч асан Жоао Авеланж наймдугаар сарын 16-нд 101 насандаа энэ ертөнцийг орхилоо.
Есдүгээр сарын 2-нд Узбекистан Улсын анхны Ерөнхийлөгч Ислам Каримов зүрхний өвчний улмаас 78 настайдаа нас нөгчив.
Тайландын Эзэн хаан Пхумипон Адульядет (Рама IX) аравдугаар сарын 13-нд 89 настайдаа амгалангийн оронд очлоо.
Канадын алдарт дуучин, яруу найрагч Леонард Коэн Лос-Анжелес дэх гэртээ нас барсан. 83 настай дуучны үхлийн талаарх мэдээлэл 11 дүгээр сарын 11-нд гарсан ч тэрбээр 11 дүгээр сарын 7-нд нас барсан юм.
ОХУ-ын алдарт алиалагч Олег Попов сүүлийн 30 жил Германд амьдарсан. Эх орондоо ирж, том хэмжээний аялан тоглолт зохион байгуулж байсан 87 настай Попов 11 дүгээр сарын 2-нд Ростовт нас барсан.
Израилийн 9 дэх Ерөнхийлөгч, Нобелийн шагналт Шимон Перес 93 насандаа есдүгээр сарын 28-нд нас барлаа.