2 мин

2016 оны шуугиант гэр бүл салалтууд

Рок-н-роллын хаан Элвис Преслигийн охин, 48 настай Лиза Мария Пресли нөхрөөсөө салсан.

М.Сугар-Эрдэнэ 2016.12.22

Энэ жил Холливудын хэд хэдэн алдарт хосууд гэр бүлээ цуцаллаа.

Тэдний дунд Холливудын хамгийн гоц онцгой хос болох Анжелина Жоли, Брэд Питт нар багтаж байна. Аз жаргал, үзэсгэлэн гоогийн бэлгэ тэмдэг болж байсан тэд хамтдаа 12 жил амьдарч, 6 хүүхэдтэй болсон байв.

Английн жүжигчин Кейт Бекинсейл, Америкийн найруулагч Лен Уайзман нар салсан мэдээ шүтэн бишрэгчдийг нь гонсойлгосон. 13 жил нэг тогооноос хоол идсэн хосууд салах болсон шалтгаан нь гэрбүлээс гадуур харилцаа. Уайзман залуу жүжигчин Си Жей Франкотой учир ургуулсан гэж гадаадын хэвлэлүүд мэдээлсэн билээ.

Жонни Депп, Эмбер Херд нар гэр бүлээ цуцалсан. Тавдугаар сард Херд нөхрөө биеийн болон сэтгэл зүйн хүчирхийлэл үйлдсэн гэж буруутган, салах өргөдлөө гаргасан юм. Тэд гэрлээд ердөө 15 сар болсон.

Их Британийн 37 настай жүжигчин Жеймс МакЭвой, Ирландын 47 настай жүчигчин эмэгтэй Энн-Мэри Дафф нар хуримынхаа 10 жилийн ойн өмнөхөн саллаа. Тэд Брэндан хэмээх хүүтэй.

Рок-н-роллын хаан Элвис Преслигийн охин, 48 настай Лиза Мария Пресли 55 настай гитарчин Майкл Локвудаас салах өргөдлөө өгсөн. Хэвлэл мэдээлэлд гарснаар бол Майкл эхнэрийнхээ хөрөнгийг үрэн таран хийсэн гэнэ.

Австралийн жүжигчин бүсгүй Наоми Уоттс, Америкийн жүжигчин Лив Шрайбер хоёрыг бат бэх гэрбүлийн бэлгэ тэмдэг гэж тооцдог байлаа. Гэвч тэд 11 жил хамт амьдарч, 2 хүүтэй болсныхоо эцэст зам замаа хөөхөөр шийджээ.

Эхнэрээсээ салсан бас нэгэн Холливудын од бол Николас Кейж. Тэрбээр Элис Кимтэй 11 жил хамт амьдарсан ч эхнэрийнхээ нууц амрагтай байсныг уучлаагүй байна.

Америкийн бизнес эрхлэгч Хлои Кардашян, сагсанбөмбөгч Ламар Одом нар тусдаа амьдраад 3 жил болсны эцэст гэрбүл цуцласан. Одомын муу зуршил гол шалтгаан нь гэж хэвлэлээр бичсэн байна.