Бритни Спирс нас барсан гэдэг худлаа: “Sony” компанийн твиттерийг хакерджээ
“Бритни ослоор нас баржээ. Бид удахгүй дэлгэрэнгүй мэдээлэл хүргэнэ. #RIPBritney :(“ гэсэн жиргээ нь худлаа гэдгийг “Sony music entertainment”-аас албан ёсоор мэдэгджээ
“Sony music entertainment” компани Бритни Спирсийн фэнүүдээс уучлал хүсжээ. Тус компанийн твиттер хуудсыг хакерууд эвдэлж, Бритний Спирсийг нас барсан тухай худлаа мэдээлэл жиргэсэн байна.
Энэ долоо хоногийн даваа гарагт “@britneyspears амгалан нойрсоорой. #RIPBritney 1981-2016” гэж бичсэн байна. Удалгүй “Бритни ослоор нас баржээ. Бид удахгүй дэлгэрэнгүй мэдээлэл хүргэнэ. #RIPBritney :(“ гэж жиргэсний дараа попын одыг нас барсан тухай мэдээлэл тархжээ. Гэхдээ төд удалгүй дуучин Бритни Спирс эрүүл саруул байгаа мэдээлэл бөмбөрцгийн хэвлэлүүдээр цацагдаж эхэлсэн гэнэ.
“Sony music entertainment” компани Бритнигийн үхлийн талаарх худлаа жиргээг устгаж, фэнүүдийг төөрөгдөлд оруулсандаа албан ёсоор уучлалт гуйсан байна.