Сочид осолдсон онгоцны нисгэгчийн сүүлчийн үг
Сочид осолдсон Ту-154 онгоцны дуу хураагуурыг шинжилж байгаа мэргэжилтнүүд нисгэгчийн сүүлчийн үгийг дэлгэв. "Дэвүүр, новш гэж!! Ахлагч аа, бид унаж байна" гэснээр бичлэг төгсчээ. (Закрылки, с***! Командир, мы падаем!). Онгоц хөөрч, газардах үед агаарын урсгалыг зохицуулах үүрэгтэй "закрылок" буюу дэвүүрийн ажиллагаанд асуудал гарснаас онгоц осолдсон байх магадлалыг энэ баримт баталж байна. Гэхдээ ийм нөхцөлд нисгэгч, нислэгийн багийнхан сайн бэлтгэгдсэн байдаг учраас зөвхөн энэ шалтгаанаар сөнөөгүй болов уу хэмээн "Коммерсантъ"-д нислэгийн мэргэжилтэн онцолжээ.
ОХУ-ын Батлан хамгаалахын яамнаас бүх хайрцгийг шинжилж, баримтуудыг нэгтгэх хүртэл нэгдсэн дүгнэлт хийж, мэдэгдэл гаргахгүй гэсэн. Онгоцны бүх хар хайрцгийг олсон бөгөөд удахгүй шинжилгээний дүгнэлт ил болно.