2 мин

Ээж болоход хамгийн тохиромжтой нас бол 35

Зан чанар, сэтгэл хөдлөл, оюун ухаан, бие бялдар гээд бүх зүйл дээр үндэслэсэн судалгааны хариуг эндээс уншаарай.

О.Анхзаяа 2017.01.11 31 28 24

Хүүхэд төрүүлж, өсгөнө гэдэг тийм ч амархан асуудал биш. Аз жаргал, үүрэг хариуцлага, зовнил, айдас гээд эх хүн ямар олон зүйлийг мэдэрч, бас туулдгийг бид бүгд мэднэ. Харин энэ бүхэнд бэлтгэлтэй байх боломж бий юү? Ээж болоход яг тохирсон цаг мөч, үе гэж байх уу?

Энэ асуултад эрдэмтэд “Байгаа” гэж хариулаад зогсохгүй, насыг нь хүртэл тодорхой тогтоосон байна.

Ээж болоход хамгийн тохиромжтой нас бол 35!

Энэ бол залуу насны эрч хүчээрээ ажил хэргээ бүтээх, гоё сайхан хувцаслах, залуудаа хүүхэд гаргахгүй байх зэрэг асуудлуудаас үүдэн гаргаж ирсэн тоо биш юм. 30 болон 40 насныхан илүү аюулгүй, тайван мэдрэмжийг мэдэрдэг ба ажил төрөл, гэр бүл нь ч тогтвортой үе дээрээ ирсэн байдаг.

Уламжлалт ойлголтоор бол 35 наснаас хойш үедээ жирэмсэлбэл аюултай, эрсдэл өндөр байж болох ч өнөө үед эх болон урагт зориулагдсан олон шинэ бүтээгдэхүүн, эрүүл байх боломжууд гарч ирсэн билээ. Түүнчлэн Өмнөд Калифорнийн их сургуулийн шинэ судалгаагаар 35 болон түүнээс дээш настайдаа төрсөн эхийн оюуны чадамж илүү сайн байдаг нь тогтоогдсон байна.

Эрдэмтэд нийт 830 ахимаг насны эмэгтэйчүүд дээр судалгаа явуулжээ. Төлөвлөлтийн арга барил, харааны баримжаа, ой санамж, төвлөрөлт, анхаарал хандуулалт зэрэг хэд хэдэн чадвар дээр үндэслэсэн судалгааны явцад 24 ба түүнээс дээш насандаа анхны хүүхдээ төрүүлсэн эмэгтэйчүүд асуудлыг шийдэх, сэтгэн бодох талаараа 14-24 насны хооронд төрсөн эмэгтэйчүүдээс илүү сайн үр дүн үзүүлсэн байна.

Хэрэв та эрүүл, аюулгүй төрөхийг хүсэж байгаа бол бэлтгэлээ сайн хангаж, бүх талаар өөрийгөө бэлдэх шаардлагатай шүү. Маш сайн төлөвлөж хийсэн ажил амжилттай бүтдэг шиг бүх зүйл яг л тийм байдаг. Жирэмсэн эмэгтэйчүүдийн сургалтад сууж, йог, бясалгалаар хичээллэж, эрүүл хүнс хэрэглэж байгаарай. Хэрэв та эртнээс эрүүл мэнддээ анхаарч чадвал ирээдүйд та болон таны хүүхэд эрүүл, аз жаргалтай байх болно.

О.Анхзаяа 2017.01.11