Баяртай Барак Обама!
Америкийн Ерөнхийлөгч нар албан тушаалаа өгөхөөсөө өмнө ард түмэндээ хандан үг хэлдэг уламжлалтай.
Америкийн Ерөнхийлөгч нар албан тушаалаа өгөхөөсөө өмнө ард түмэндээ хандан үг хэлдэг уламжлалтай. Тэр ёсоор АНУ-ын 44 дэх Ерөнхийлөгч Барак Обама өнөөдөр сүүлчийн удаа үг хэллээ. Обамагийн өмнөх Ерөнхийлөгч нараас ялгаатай нь Цагаан ордноос биш Чикаго дахь Конгресс-төвд энэ ёслолыг зохион байгууллаа. 2008 оны 11 дүгээр сард тус төвд түүний багийнхан сонгуулийн ялалтаа тэмдэглэж байлаа. Яг л найман жилийн өмнөх шиг Обама “U2” хамтлагийн “City of blinding lights” дууны аян дор эхнэр Мишель, ууган охин Малия нарын хамт индэр дээр гарч ирсэн. Барак Обама энэ сарын 20-нд Цагаан ордныг орхин одох болно.