мин

С.Ням-Очир өнөөдөр зодог тайлна

Жүдо бөхийн улсын аварга шалгаруулах тэмцээний нээлтийн арга хэмжээний дараа болох ажээ.

Э.Намуун 2017.01.16 38 33 1

Олимп, дэлхийн аварга шалгаруулах тэмцээний хүрэл медальт, Монгол Улсын Гавьяат тамирчин Сайнжаргалын Ням-Очир зодог тайлахаар шийджээ. Түүний зодог тайлах ёслол улсын аварга шалгаруулах тэмцээний үеэр буюу өнөөдөр 14:00 цагаас болох Жүдо бөхийн улсын аварга шалгаруулах тэмцээний нээлтийн арга хэмжээний дараа болох ажээ.

Жүдо бөхийн насанд хүрэгчдийн улсын аварга шалгаруулах тэмцээн өнөөдөр Спортын төв ордны А зааланд эхэлнэ. Эрэгтэйчүүдийн 40, эмэгтэйчүүдийн 25, багийн 5 дахь удаагийн улсын аварга шалгаруулах тэмцээн гурван өдөр үргэлжилнэ. Уг тэмцээнийг Монголын жүдо бөхийн холбоо, БТСГ, БСШУЯ хамтран зохион байгуулж байгаа юм.

Жүдогийн шинэ дүрмийн сургалт удирдахаар Монголд ирсэн Олон улсын жүдо бөхийн холбоо буюу IJF-ийн шүүгч, Олимпийн зэрэглэлийн шүүгч Владимир Хнедка /Чех/, олимпийн зэрэглэлийн шүүгч Владимир Востриков /ОХУ/ нар улсын аварга шалгаруулах тэмцээнд шүүгчээр ажиллах юм байна.

Өнөөдрийн хувьд эрэгтэйчүүдийн 60 кг, -66 кг, -73 кг жингийн барилдаан, эмэгтэйчүүдийн -48 кг, -52 кг, -57 кг, -63 кг жингийн барилдаан болж, аваргуудаа тодруулна.

Э.Намуун 2017.01.16