1 мин

Судалгаа: Энэ 8 хүний хөрөнгө дэлхийн хүн амын 50 хувийнхтай тэнцэж байна

Э.Хулан 2017.01.16 49 26 15

Бөмбөрцгийн хамгийн баян найман хүний хөрөнгө нь хүн амын ядуу 50 хувийн баялагтай тэнцэж байгаа тухай судалгааг “Oxfam” хийжээ. Харьцуулахад, өнгөрсөн онд тус байгууллагаас дэлхийн 62 баяны гарт хүн амын тал хувийн баялаг бий гэж мэдээлж байсан юм. Өнгөрсөн онд баячуудын хөрөнгө мөнгө улам ч арвижжээ. 

Дэлхийн хамгийн баян 8 хүн гэдэгт хэн ордог вэ?

Билл Гейтс - 75 тэрбум ам.доллар
Амансио Ортега - 67 тэрбум ам.доллар
Уоррен Баффет - 60.8 тэрбум ам.доллар
Карлос Слим Хелу - 50 тэрбум ам.доллар
Жефф Безос - 45.2 тэрбум ам.доллар
Марк Цукерберг - 44.6 тэрбум ам.доллар
Ларри Эллисон - 43.6 тэрбум ам.доллар
Майкл Блумберг - 40 тэрбум ам.доллар

Швейцарийн Давос хотод болдог Дэлхийн эдийн засгийн чуулганд олон орны удирдагч цуглаж, дэлхийн эдийн засгийн өнөөгийн асуудлаар хэлэлцдэг. Тэгвэл энд хүрэлцэн ирсэн удирдагчдын анхаарлыг орлогын тэгш бус байдалд хандуулахыг “Oxfam” байгууллага зорьж байгаа нь энэ юм. 
Хэрвээ цаашид орлогын тэгш бус байдалд анхаарахгүй бол өнгөрсөн жил Доналд Трамп АНУ-ын ерөнхийлөгчийн сонгуульд ялсан, Их Британид Европын Холбооноос гарах сонголт хийсэн шиг эрс сонголтуудыг бухимдсан ард иргэд хийсээр байх болно гэж тус байгууллагаас мэдэгдсэн байна. 

Э.Хулан 2017.01.16