Шуурхай: Сурагчдын зуны амралтад өөрчлөлт орохгүй. Учир нь...
Гуравдугаар улиралын амралтын долоо хоногийг хичээлийнх болгож өөрчиллөө. Гуравдугаар улирлын амралтын хуваарьтай танилцахыг хүсвэл энд дарна уу.
БСШУС-ын яамны Бодлогын хэрэгжилтийн газрын дарга М.Мөнхбаатар сурагчдын амралтыг хойшлуулж байгаатай холбоотой мэдээлэл хийлээ. Тэрбээр "Ус цаг уур, орчны шинжилгээний газраас ирүүлсэн мэдээллээр ирэх долоо хоногт цаг агаар эрс хүйтрэхийг анхааруулсан. Мөн ханиад томууны тархалт их байгаа зэргийг харгалзан БСШУС-ын сайдын тушаал гарч, нэгдүгээр сарын 30-ныг хүртэл Нийслэлийн хэмжээний I-XII ангийн бүх сурагчдын амралтыг сунгахаар болсон байна.
Нийслэлийн Боловсролын Газрын орлогч дарга Ц.Отгончимэг "Ингэж амралт сунгасныг зохицуулах боломжтой. Гуравдугаар улиралд сурагчид 14 хоног амарна. Энэ сунгасан 7 хоногийг гуравдугаар улирлын амралтаас хасаж зохицуулж байгаа" гэсэн мэдээллийг өглөө.
Өнгөрсөн жилийн аравдугаар сард БСШУС-ын яамнаас баталсан сурагчдын амралтын хуваарийн хүснэгттэй танилцана уу.
Энэхүү хүснэгтээс харахад, гуравдугаар улирлын амралт гуравдугаар сарын 23-наас дөрөвдүгээр сарын 5, эсвэл гуравдугаар сарын 16-наас 29 хүртэл амрахаар тооцож байсан юм. Үүнийг өөрчилж байгаа гэсэн үг.