Майк Тайсоны клип YouTube-д дийлж байна
Ганц хоногийн дотор 460 мянган хүн үзсэн.
Домогт боксчин Майк Тайсоны видео клип нэг хоногийн дотор 460 мянган хандалт авч, олны анхаарлыг ихэд татаад байна. "If You Show Up" хэмээх нэртэй энэ дуу Крис Браун, Soulja Boy хэмээх хоёр рэперийн маргааныг өгүүлэх бөгөөд тэд рингэн дээр асуудлаа шийдэхээр болно. Майк Тайсон Брауны талд орж, түүнийг тулаанд бэлтгэх бол Soulja Boy-гийн дасгалжуулагч нь алдарт Флойд Мэйвэзер аж.
Тайсон Soulja Boy-д хандан “Чамайг Instagram-д их юм бичдэг гэж сонссон. Гэхдээ олон нийтийн сүлжээ чамайг хүн болгохгүй. Би бол Тайсон, рингний бурхан. Soulja Boy чи Крис Браунтай өрсөлдөж чадахгүй” хэмээн мэдэгдэнэ.