Чөлөөт бөхийн жин өөрчлөгдөж магадгүй
Шинэ олимпийн циклд олон өөрчлөлт гарах нь тодорхой боллоо.
Дэлхийн нэгдсэн бөхийн холбооны Техникийн комиссоос (UWW) Холбооны удирдах товчооны хуралд тэмцээн уралдаан явагдах дүрэм болон жингийн өөрчлөлт хийх санал оруулахаар болжээ. Энэхүү комиссыг ОХУ-ын Спортын бөхийн холбооны ерөнхийлөгч Михаил Мамиашвили тэргүүлж, Милорад Докмарац (Серб), Рич Бендер (АНУ), Даниэль Игали (Канад), Сергей Демяшкевич (Беларусь), Чжан Е (Хятад), Пертти Вехвилайнен (Финланд), Антонио Кардулло (Итали) нар гишүүнээр ажилладаг. Комиссын анхны хуралдаанд ДБНХ-ы тэргүүн Ненад Лалович оролцсон байна. Хуралдаанаар гишүүд чухал асуудлуудаар санал нэгдсэн бөгөөд эцсийн шийдвэрийг UWW гаргах ч шинэ олимпийн циклд олон өөрчлөлт гарах нь тодорхой боллоо. Энэхүү өөрчлөлт нь 2013 онд ДНБХ-ноос эхэлсэн шинэчлэлийн үргэлжлэл болох юм.