Хэзээ ч дуусахгүй, УХААЛАГ тэмдэглэлийн дэвтэр
Зурах, тэмдэглэл бичих зэрэгт шинэ дэвшил гарч ирсэн байна.
Гар утас, зурагт, будаа агшаагч, бугуйн цаг, нүдний шил гээд бүх юм ухаалаг болж байгаа энэ үед бидэнд зайлшгүй хэрэгтэй нэгэн шинэ, ухаалаг бүтээл төрөн гарсан байна. Энэ бол хэзээ ч дуусахгүй, олон үйлдэлт ухаалаг тэмдэглэлийн дэвтэр. Хоёр өөр хэмжээнээс сонгох боломжтой.
Pilot Frixion-ы ямар ч балаар бичиж болно. Яг л энгийн бал шиг бичигдэх ч ганцхан дусал ус байхад бүх зүйл тэр чигтээ арилж, дахин нэг шинэ хуудас болон хувирах болно.
Мөн та дэвтэр дээр юу ч зурж, бичсэн байлаа гэсэн арилахаас өмнө Google Drive, Dropbox, Evernote эсвэл өөрийн мэйл хаяг зэрэгт хадгалагдсан байх болно. Тусгай апплкэйшнийг ашиглан ямар ч гэрэл сүүдэр, камерын чанар зэргийн нөлөөгүйгээр зургийг байгаа чигээр нь хуулан авч болно. Иймээс дэвтэр дээр бичсэн, зурсан бүхнийг яг тэр чигээр нь зураг хэлбэрээр хадгалан авах боломжтой гэсэн үг юм.
Үнийн хувьд нэг дэвтэр, нэг хар бал нийлээд 34$. Улаан, цэнхэр, хар гэх гурван балыг нэмж авах бол 7$. Бичлэг дээрээс та дэлгэрэнгүй үзэх боломжтой.