Бичлэг: Энэтхэгийн лигийн финал буюу Э.Бэхбаярын барилдаан
Э.Бэхбаяр 3 барилдаж, 1 ялсан байна.
Хоёр дахь жилдээ явагдаж байгаа Энэтхэгийн чөлөөт бөхийн “Pro Wrestling League” тэмцээний аваргын төлөө өрсөлдөх багууд тодорлоо.
Хагас шигшээд “Haryana Hammers” баг “Jaipur Ninjas” багийг 6-3 харьцаатай ялсан бол "Punjab Royals” баг "Mumbai Maharathi”-г 5-4 яллаа. Ийнхүү финалд “Haryana Hammers” "Punjab Royals” багууд шалгаран үлдлээ.
“Haryana Hammers”-т Дагестаны Магомед Курбаналиев (70 кг), Абдусалам Гадисов (97 кг), Шведийн София Маттсон 53 кг нар барилдаж байгаа бол "Punjab Royals” багт Риогийн олимпийн аварга Владимир Хинчегашвили (57 кг, Гүрж), дагестан залуу Ильяс Бекбулатов (65 кг), 2015 оны ДАШТ-ий медальт Нигерийн Одунайо Адекуройе, Узбекистаны Тогрул Аскеров нар харьялагдаж байна.
Манай бөх Э.Бэхбаярын “Colors Delhi Sultans” баг 1 ялалт, 4 ялагдалтай тэмцээнээ дуусгалаа. Э.Бэхбаяр 3 барилдаж, 1 ялсан байна.