Банкны ажилтнуудын анхааралд: Хос мэргэжлийн сургалт зохион байгуулна
Монголбанк болон ХБНГУ-ын Хадгаламжийн банкны Олон улсын хамтын ажиллагааны сан хамтын ажиллагааны санамж бичигт гарын үсэг зуржээ
Монголбанк болон ХБНГУ-ын Хадгаламжийн банкны Олон улсын хамтын ажиллагааны сан хамтын ажиллагааны санамж бичигт гарын үсэг зурлаа. Санамж бичигт Монголбанкийг төлөөлж Монголбанкны Тамгын газрын захирал А.Энхжин, ХБНГУ-ын Хадгаламжийн банкны олон улсын хамтын ажиллагааны санг төлөөлж тус сангийн тэргүүн Төв Азийг хариуцсан захирал Маттиас Фокс нар гарын үсэг зурав.
Монголбанк болон ХБНГУ-ын Хадгаламжийн банкны олон улсын хамтын ажиллагааны сан нь санамж бичгийн дагуу банкны салбарт олон улсын стандартыг нэвтрүүлж, үндсэн ажилтнуудын ур чадварыг дээшлүүлэх, иргэдтэй шууд харилцах ажилтныг чадавхижуулах, зөвлөгөө өгөх ур чадварыг сайжруулахад анхаарч ажиллах гэнэ. Түүнчлэн банкны салбарын боловсон хүчинд “Хос мэргэжлийн сургалт” зохион байгуулж ажиллах юм.