АНХААР: Монгол маш ИХ ЭРСДЭЛТЭЙ
“Bloomberg” агентлаг улс орнуудын эрсдэлийн үнэлгээг танилцуулахад, Монгол маш их эрсдэлтэй орноор шалгарч, час улаан өнгөөр газрын зургаа чимжээ.
АНУ-ын шинэ Ерөнхийлөгч Доналд Трамп өнөөдөр тангараг өргөж, бөмбөрцгийн улс төр, эдийн засгийн амьдралд эргэлт гарч байгаатай холбоотойгоор “Bloomberg” агентлаг улс орнуудын эрсдэлийн үнэлгээгээ танилцуулжээ. Эндээс харахад, Монгол маш их эрсдэлтэй орноор шалгарч, час улаан өнгөөр газрын зургаа чимжээ.
Ажилгүйдлийн түвшин, инфляци, валютын ханш болон заавал байлгах нөөцийн хэмжээ гэсэн дөрвөн шалгуур үзүүлэлтээр эрсдэлийн түвшинг хэмжихэд Монгол Улс ердөө 10.7 оноо авчээ. Харьцуулахад, эрсдэл багатай буюу ногоон ангилалд багтсан орнуудын оноо 90-ээс дээш байгаа юм.
Хоёр хөршийн хувьд эрсдэлийн хэмжээ дундаж орнуудын жагсаалтад багтсан байна. ОХУ-ын эрсдэлийн оноо гэхэд л 60.6 байгаа бол БНХАУ-ынх 64.2 байгаа юм.