1 мин

Дуучин Рэйн болон жүжигчин Ким Тэ Хи нар хуримаа хийлээ

Тэдний хурим өчигдөр 14 цагт Сөүлд орших Католик сүмд болжээ.

Э.Намуун 2017.01.20 42 18 16

8

Дуучин Рэйн болон жүжигчин Ким Тэ Хи нар таван жилийн үерхлээ эцэслэж, өчигдөр 14 цагт Сөүлд орших Католик сүмд хуримаа хийлээ.

Сүйт бүсгүй торон, дэрвэгэр богинохон хормойтой даашинз, энгийн гивлүүрээр гоёсон бол сүйт залуу хослол өмсөж, эрвээхэй зангиа зүүжээ.

Хуримын үеэр JYP-ийн Пак Жин Юүн “You’re the one” дуугаа дуулсан байна.

Мөн Ким Тэ Хи-гийн хуримын баглаа цэцгийг түүний найз И Ха Ню авсан аж. 

Хуримын дараа жүжигчин Ким Тэ Хи гараар бичсэн захиагаа олон нийтийн сүлжээнд нийтэлжээ.

Тэрбээр “Өнөөдөр бидний амьдралын уртаас урт аяллын эхний өдөр болж байна. Биднийг хайрлаж, бидний төлөө санаа тавьдаг бүх фэнүүддээ баярласнаа илэрхийлье. Бид бие биенээ хайрлан халамжилж, хүндэлж, дутагдалтай талаа засан хичээнгүйлэн амьдрах болно” хэмээн бичиж, цаашид сайн гэргий, сайн жүжигчин байхаа амлаж, дахин дахин талархлаа илэрхийлсэн байна. 

Хосууд бал сарын аялал төлөвлөөгүй бөгөөд тэд тун удахгүй Сөүлийн Чундамдон дүүрэг дэх Рэйний гэрт төвхнөхөөр болсон аж.

Рэйн-ийн загалмайлсан эцэг А Сун Ки хэлэхдээ “Би тэднийг олон хүүхэдтэй болно гэдэгт итгэлтэй байна” хэмээжээ.    

Э.Намуун 2017.01.20

8