мин

Хонь хяргалтын ДАШТ-нд Шинэ Зеландын монгол залуу оролцоно

Гэргийтэйгээ Өмнөговьд танилцжээ.

М.Сугар-Эрдэнэ 2017.01.20 39 32 7

Ирэх сарын 8-11-нд Шинэ Зеландад хонь хяргалтын ДАШТ (World Shearing and Woolhandling Championships) болно. Тус тэмцээнд Монголоос оролцох Ч.Энхнасан Булган аймгийн уугуул ч Шинэ Зеландад амьдардаг залуу. 2012 оноос Шинэ Зеланд улсад амьдарч байна. Түүний гэргий Zoe Leetch 2008 онд Өмнөговьд уул уурхайн компанид ажиллаж байхдаа ирээдүйн нөхрөө анх харж, дурласан гэнэ.

Хамтдаа ажиллаж байсан хосууд 2011 онд Монголд гэрлэж, одоо хоёр хүүхэдтэй болжээ. Хүүхдүүд монгол нэртэй. 4 настай Э.Түвшинбаяр, 2 настай Э.Тэмүүлэн нар Шинэ Зеландад төрсөн ч тэдний гэр бүл удалгүй Монголдоо харьж, тогтвор суурьшилтай амьдрах төлөвлөгөөтэй байгаа аж. Ч.Энхнасан Монголд машинаар хонь хяргах талаар зааж сургах ажил эрхлэх бодолтой байгаа гэнэ.
Монголдоо харихдаа дэлхийн аварга гэсэн эрхэм хүндтэй цол хүртээд харих шиг сайхан зүйл гэж үгүй. Нүүдэлчин Монголын малчин залуу дэлхийн дэвжээнд гялалзах болтугай.  

М.Сугар-Эрдэнэ 2017.01.20