Ширээний теннисний лигийн тэмцээн эхэллээ
“Бласт” компани, “Мон Лаа” компани, “Хаан даатгал”, “Цэцэн гэрс”, “Төмөрт өргөө”, “Өег”, “Мон-Кон”, “Бласт Шинэ од” гэсэн шилдэг 8 баг өрсөлдөж байна.
МШТХ-ны Лигийн тэмцээн “Оч” клубт энэ сарын 20-нд эхэллээ. 11 дэх удаагаа зохион байгуулагдаж байгаа тус тэмцээнд “Бласт” компани, “Мон Лаа” компани, “Хаан даатгал”, “Цэцэн гэрс”, “Төмөрт өргөө”, “Өег”, “Мон-Кон”, “Бласт Шинэ од” гэсэн шилдэг 8 баг өрсөлдөж байна.
Лигийн тэмцээнд эрэгтэйчүүдээс улсын аварга, ОУХМ Б.Баярмагнай, Я.Бэгз, Э.Лхагвасүрэн, улсын аварга, спортын мастер Энхсайхан, эмэгтэй тамирчдаас улсын аварга, ОУХМ Б.Батхишиг, улсын аварга, спортын мастер Энхжин, М.Дэлгэрмаа тэргүүтэй шилдэг тамирчид багуудад тэгш хуваагдсан нь лигийн тэмцээн үзүүштэй, сонирхол татахаар болох нь эхний өдрийн тоглолтоос мэдрэгдэж байлаа. Мөн энэ удаагийн лигийн тэмцээнд “Бласт” баг ОХУ-ын тамирчин Данзановыг легионер тоглогчоор урин авч ирсэн нь сонирхол татаж байна.
Эхний өдрийн дүн
“Монлаа” 5:4 “Бласт”
“Хаан даатгал” 6:3 “Цэцэн гэрс”
“Төмөрт өргөө” 7:2 “Бласт Шинэ Од”
“Өег” 5:4 “Монкон”
Лигийн тэмцээн хоёр тойрог явагдаж, финалд шилдэг дөрвөн баг шалгаран өрсөлдөх болно. Тэмцээн долоо хоног бүрийн Баасан гарагийн 18:00, Ням гарагийн 09:00 цагаас “Оч” клубт явагдаж байна.