2 мин

Хивсний тухай таны ЗААВАЛ мэдэх ёстой 15 зүйл

Монгол айл бүрт заавал байдаг зүйлсийн нэг бол хивс.

Э.Намуун 2017.01.27

Монгол айл бүрт заавал байдаг зүйлсийн нэг бол хивс. Нүүдэлчдийн гэр сууцаас эхлэн ямар ч орд харш, байшин байгууламжид дулаалга төдийгүй чимэглэл болдог энэ эд нь хүн төрөлхтний эртний урлалын нэг юм. Энэ удаа бид хивсний тухай таны заавал мэдэх ёстой 15 зүйлийг нэрлэлээ.

1. Нэг хивс аваад л түүнийгээ элгэдэж, муудтал хэдэн жилийн турш байлгадаг үе ард үлджээ. Дэлхий дахинд хивс нь хувцасны адил трэнд дагадаг болсон бөгөөд шинэ загварууд жил бүр гарах болсон.

2. Хивс нь дулаалгын үүрэг гүйцэтгэхээс гадна дуу чимээг шингээх “шидтэй”.

3. Интерьерийн чухал бүрэлдэхүүний нэг нь хивс.

4. Хивснээс гарах жижиг үс, ноос харшил өгдөг гэж бодсон бол та эндүүрч. Германы эрдэмтэд ноосон хивс огт харшил үүсгэдэггүй гэдгийг тогтоожээ.Харин ч ноосон бүтээгдэхүүн түлхүү хэрэглэх нь ямарваа нэгэн зүйлээс харшилах магадлалыг бууруулдаг байна.

5. Хивс гэхээр хэрэглэгчдэд хуучин загварын нөгөө л улаан шар өнгийн хээтэй хивс санаанд тань бууж магадгүй. Хүлээгээрэй! “Эрдэнэт хивс” компанийнхан жилд энгийнээс эхлэн тансаг хэрэглээний 200-300 загварын хивс үйлдвэрлэдэг гэдгийг та мэдэх үү?

6. Тэдний шинэ загварууд ирэх сарын 6-12-нд Их дэлгүүрийн II павилонд дэлгэгдэнэ.

7. Хивсийг хэрэглээгүй үед нугалж биш харин хуйлж ороон хуурай сэрүүн газар хадгална. Удаан хугацаагаар хивсийг хадгалахдаа цагаан эрвээхэйн эсрэг бодисыг хуурай болон цаасан дээр наасан хэлбэрээр заавал хэрэглээрэй.

8. Таалагдсан хивсээ гэрийнхээ хамгийн тохиромжтой газар байрлуулах нь танд ая тухтай, тааламжтай сэтгэгдэл төрүүлнэ гэдэгт мөрийцөхөд ч бэлэн байна. Зочидын өмнө ч нүүр бардам шүү дээ.

9. Таны сонголт дэлгүүрийн лагуун дээрх хивсээр хязгаарлагдахгүй. Та өөрийн хүссэн загвар, өнгө, хэмжээгээр хивс хийлгэх боломжтой. Тэр ч байтугай гэр бүлийн хөргөөрөө хивс хийлгэсэн ч болно. Эсвэл хэн нэгэнд бэлэг болгон өгөхөд тохиромжтой.

10. Хивсээ хуурай цэвэрлэгээ болон хөөс, зориулалтын шампуниар хивсээ цэвэрлээрэй. Савангийн үлдэгдэл хивсэнд шингэвэл бохир татах, цуглуулах нь харьцангуй ихэсдэг.

11. Битүү хивстэй орчин дэвсгэргүй шалтай орчныг бодвол илүү цэвэрхэн агаартай болохыг тогтоожээ. Дэвсгэргүй орчинд нарийн тоосонцор аливаа хөдөлгөөн бүрт идэвхжиж байсан бол, харин зөөлөн хивс, дорож нарийн тоосонцор агаарт дэгдэхээс сэргийлж, тоосонцрыг өөртөө шингээдэг байна.