Б.Билгүүний “ALTOGETHER” номыг заавал унших 9 шалтгаан
Энэ бол кофе уунгаа цонхоор харж, хүмүүсийг ажиглаж, юм бодож суух дуртай хүмүүст чухам таалагдах ном.
Дизайнер Б.Билгүүн өөрийгөө “Төмсний төрлийн амьтан” гэж нэрлэдэг. Хэрвээ тийм бол тэр амтат төмс л байж таарна. Яагаад гэдгийн хариу нь түүний шинээр гаргасан “Altogether” ном юм.
Зохиолч, яруу найрагч Л.Өлзийтөгсийн сэтгэгдэл:
Билгүүний ном их таалагдлаа. Гүнзгий мэдрэмжтэй, сэтгэлгээ сайтай, өөрийн гэсэн бодолтой залуу юм. Ирээдүйд сайн зохиолч болно гэдэгт бүрэн итгэж байна.
1. Энэ бол кофе уунгаа цонхоор харж, хүмүүсийг ажиглаж, юм бодож суух дуртай хүмүүст чухам таалагдах ном.
2. Гуниглуун бөгөөд гэгээн хүмүүсийн тухай түүхээр дүүрэн.
3. Номын нэр “Altogether”-ыг Английн “Slowdive” хамтлагийн ижил нэрт дуунаас сэдэвлэжээ. Хэрвээ та инди рок, тэр тусмаа shoegaze, dream-pop урсгалыг таашаадаг бол номын уур амьсгал дотно дулаан санагдах болов уу.
4. Богино хэмжээний таван өгүүллэг, нэг туужаас бүрдэнэ.
5. “Altogether” туужийн гол дүр Тэргэлийн бичиж буй кино зохиол бодит амьдрал дээр тун удахгүй дэлгэцнээ гарах гэж байгаа.
6. Тун нь таарсан +18 хэсгүүдтэй.
7. Номын өгүүлэмж, уур амьсгалтай сүлэлдсэн сонирхолтой, баялаг зургууд номын бүлэг бүрийн эхэнд бий. Тэдгээрийг зохиолч өөрөө зурсан аж.
8. Баатруудын бодол, үйлүүдийг бүгдийг нь илчлээгүй байгаа нь урин, нууцлаг хийгээд сонирхолтой шинжтэй болгосон.
9. “Танил мэдрэмжүүд, сайхан хөгжим, этгээд сонин төсөөлөл, уран сэтгэмжүүд, бидний эргэн тойронд байдаг зүйлс, оюутны байр, Улаанбаатар хотын амьдрал” гэж нэгэн уншигч номыг тодорхойлсон нь бий.